ना किसिंग सीन, ना प्रचंड बोल्ड, 32 वर्षांपूर्वीचं ते 5 मिनिट 39 सेकंदाचं रोमँटिक गाणं, ऐकताच थिरकतात लोक
5 मिनिट 39 सेकंदाचं ते बॉलिवूडमधील रोमँटिक गाणं, जे ऐकताच अंगावट येतात शहारे, 32 वर्षानंतरही प्रचंड लोकप्रिय. एकदा ऐकायला सुरुवात केली तर शेवटपर्यंत बघतात लोक.
सन 1994 मध्ये प्रदर्शित झालेल्या ‘मोहरा’ या चित्रपटातील एक गाणं आजही प्रेक्षकांच्या स्मरणात ताजं आहे. हे गाणं लागलं की आजही अनेकांच्या अंगावर शहारे येतात. प्रचंड पाऊस, अंधार, रोमँटिक वातावरण आणि दोन कलाकारांमधील केमिस्ट्रीमुळे हे गाणं त्या काळात चर्चेचा विषय ठरलं होतं.
इतकंच नाही तर हे गाणं पाहताना अनेक घरांमध्ये लहान मुलांसमोर टीव्ही बंद केला जायचा तर कपल्स एकमेकांकडे रोमँटिक नजरेने पाहायचे. आम्ही ज्या गाण्याबद्दल बोलत आहोत, त्याचं नाव आहे ‘टिप टिप बरसा पानी’. हे गाणं केवळ त्या काळातच नाही तर आजही बॉलिवूडच्या सर्वात आयकॉनिक आणि रोमँटिक गाण्यांपैकी एक मानलं जातं.
‘टिप टिप बरसा पानी’ हे गाणं अभिनेत्री रवीना टंडनच्या करिअरमधील सर्वात मोठ्या आणि लक्षवेधी हिट्सपैकी एक ठरलं. या गाण्यामुळे रवीनाने प्रचंड प्रसिद्धी मिळवली आणि ती रातोरात ग्लॅमर आयकॉन बनली.
पिवळ्या रंगाच्या साडीत, पावसात भिजत दिलेल्या तिच्या बोल्ड आणि किलर अदा आजही लोक विसरू शकत नाहीत. अनेकांना हे माहित नसेल, पण रिपोर्ट्सनुसार या गाण्याच्या शूटिंगदरम्यान रवीना टंडनला जोरदार ताप आला होता.
ताप असूनही तिने थंड पाण्यात भिजत शूटिंग केलं आणि अभिनेता अक्षय कुमारसोबत जबरदस्त रोमँटिक परफॉर्मन्स दिला.
सुरुवातीला या गाण्याच्या शूटिंगबाबत ती थोडी हिचकिचत होती, असंही सांगितलं जातं. मात्र एकदा कॅमेरा सुरू झाल्यावर तिने आपली पूर्ण एनर्जी झोकून दिली. या गाण्यामध्ये कोणताही किसिंग सीन किंवा अति बोल्ड सीन नाही. तरीसुद्धा हे गाणं प्रचंड रोमँटिक वाटतं.
