कंबरेतून 24 तास वाहतं युरीन, दोन्ही पाय निकामी; तरी नागपूरची लेक बनली मॉडेल, तिची प्रेरणादायी कहाणी…
लहानपणीच कळलं की शरिरात युरीन ब्लॅडर नाही त्यामुळे ऑपरेशन करून कंबरेत दोन छिद्र केले. यांनंतर कंबरेतून सतत युरीन वाहत असतं. इतकेच नाही तर दोन्ही पाय निकामी; तरीही नागपूरच्या 22 वर्षीय अबोलीने मॉडेल म्हणून स्वतःची वेगळी ओळख निर्माण केली आहे. जन्मापासूनच अनेक शारीरिक अडचणी आणि वेदनांना सामोरे जात तिने परिस्थितीसमोर हार मानली नाही.
संघर्षातून आत्मविश्वास - अबोलीची उंची केवळ 3 फूट 4 इंच आहे, मात्र तिची जिद्द आणि आत्मविश्वास मोठा आहे. शारीरिक अडचणी असूनही तिने स्वतःची स्वप्ने पूर्ण करण्यासाठी प्रयत्न सुरू ठेवले.
व्हीलचेअरपासून रॅम्पपर्यंत- व्हीलचेअर तिच्या आयुष्याचा एक महत्त्वाचा भाग असला, तरी तिने त्याला मर्यादा मानले नाही. याच आत्मविश्वासातून तिने मॉडेलिंगच्या क्षेत्रात पाऊल ठेवले.
वेगळ्या वाटेची निवड- समाजातील अनेक गैरसमज आणि ठराविक विचारांना तिने आपल्या कामातून आव्हान दिले. स्वतःच्या क्षमतेवर विश्वास ठेवून ती पुढे जात राहिली.
राष्ट्रीय पुरस्काराची मानकरी- अबोलीने आपल्या कामातून विशेष ओळख निर्माण केली असून तिला राष्ट्रीय पुरस्कारानेही गौरवण्यात आले आहे. तिच्या या यशामुळे तिच्या संघर्षाला एक नवी दिशा मिळाली.
अनेकांसाठी प्रेरणा - आज अबोलीचा प्रवास केवळ मॉडेलिंगपुरता मर्यादित राहिलेला नाही. तिची कहाणी अनेकांना अडचणींवर मात करून स्वतःची ओळख निर्माण करण्याची प्रेरणा देते.शारीरिक अडचणी असूनही अबोलीने आत्मविश्वास, मेहनत आणि जिद्दीच्या जोरावर व्हीलचेअरपासून रॅम्पपर्यंतचा प्रवास केला. तिची कहाणी समाजातील अनेक समज बदलण्याचा संदेश देते.
