PHOTO | नाशिकसह साताऱ्यात भीषण अपघात, 12 जण जखमी
एक अपघात मुंबई-नाशिक महामार्गावर तर दुसरा पुणे-बंगलोर राष्ट्रीय महामार्गावर घडला आहे. (Nashik And Satara Accident)
राज्यात आज दोन ठिकाणी भीषण अपघात झाले आहे. यातील एक अपघात मुंबई-नाशिक महामार्गावर तर दुसरा पुणे-बंगलोर राष्ट्रीय महामार्गावर घडला आहे. यात 12 जण गंभीर जखमी झाले आहेत.
मुंबई-नाशिक महामार्गावर एका कारला भरधाव वेगातील ट्रकने मागून धडक दिली. या अपघातात एका महिलेचा जागीच मृत्यू झाला. तर चार जण गंभीर जखमी झाले.
या अपघातात कारचा वरचा भाग पूर्णपणे दबला गेला होता. त्यामुळे आजूबाजूच्या प्रवाशांनी त्या गाडीतील नागरिकांना बाहेर निघण्यास मदत केली. या गाडीतील सर्व जखमींना बाहेर काढून रुग्णालयात दाखल करण्यात आले.
आजूबाजूच्या नागरिकांनी वेळीच मदत केल्याने चार जणांचे प्राण वाचले आहेत. नागरिकांनी केलेल्या मदतीचा व्हिडीओ सोशल मीडियावर व्हायरल होत आहे. त्यामुळे अपघातग्रस्तांची मदत करणाऱ्या नागरिकांवर कौतुकाचा वर्षाव होत आहे.
तर दुसरीकडे पुणे-बंगलोर राष्ट्रीय महामार्गावर आज सकाळी सहा वाजण्याच्या सुमारास साताऱ्यातील रायगाव फाटा येथे तिहेरी अपघात झाला आहे. यात 8 जण जखमी झाले आहेत. त्यातील 2 जण गंभीर आहेत.
साताऱ्यातील या अपघातात आयशर, इनोवा कार आणि कंटेनर यांचा समावेश आहे.
सकाळी सहाच्या सुमारास साताऱ्याहून पुण्याच्या दिशेने निघालेल्या आयशर ट्रकमध्ये बिघाड झाला होता. त्यामुळे या ट्रक ड्रायव्हरने हा ट्रक हायवेच्या बाजूला उभा केला होता.
त्यावेळी पाठीमागील दिशेने आलेल्या कोल्हापूर येथील ईनोव्हा कारने चालकाने स्पीड कमी केला. त्यामुळे अचानक मागून भरधाव वेगात येणाऱ्या कंटेनरने या दोन्ही वाहनांना जोरदार धडक दिली
अपघात
दरम्यान या अपघात स्थळावरील सर्व वाहतूक सर्विस मार्गावरुन वळवण्यात आली आहे.
या तिन्ही वाहनांचे अपघातात मोठ्या प्रमाणात नुकसान झाले असून या अपघाताची नोंद सातारा तालुका पोलीस ठाण्यात करण्यात आली आहे.