Airtel च्या ग्राहकांना मोठा दणका, कोट्यवधी युजर्सवर थेट परिणाम होणार
Airtel Recharge : तुम्ही एअरटेलचे ग्राहक असाल, तर ही बातमी तुमच्यासाठी महत्त्वाची आहे. एअरटेलने आपल्या कोट्यवधी ग्राहकांना मोठा धक्का देत एक लोकप्रिय पोस्टपेड प्लॅन कोणतीही पूर्वसूचना न देता आपल्या पोर्टफोलिओमधून हटवला आहे.
एअरटेल ही देशातील दुसऱ्या क्रमांकाची सर्वात मोठी दूरसंचार कंपनी असून, देशभरातील सुमारे 42 कोटी ग्राहक तिच्या सेवा वापरतात. मात्र आता कंपनीने ग्राहकांना मोठा धक्का दिला आहे.
आता एअरटेलने आपल्या ग्राहकांसाठी उपलब्ध असलेला एक लोकप्रिय आणि किफायतशीर पोस्टपेड प्लॅन बंद केला आहे. कंपनीने 549 रुपयांचा पोस्टपेड प्लॅन आपल्या अधिकृत यादीतून हटवला आहे.
या प्लॅनमध्ये ग्राहकांना अनलिमिटेड 4G आणि 5G डेटा, सर्व नेटवर्कवर अनलिमिटेड व्हॉईस कॉलिंग आणि दररोज 100 मोफत SMS मिळत होते. तसेच Airtel Xstream Play, Wynk Premium आणि Handset Protection यांसारखे अतिरिक्त फायदेही दिले जात होते.
आता हा प्लॅन एअरटेलच्या अधिकृत वेबसाइट किंवा अॅपमध्ये शोधल्यास तो दिसणार नाही. हा प्लॅन हटवल्यानंतर कंपनीच्या पोस्टपेड पोर्टफोलिओमध्ये थेट 699 रुपयांचा पोस्टपेड प्लॅन उपलब्ध आहे.
699 रुपयांच्या पोस्टपेड प्लॅनमध्ये दोन सिम वापरण्याची सुविधा मिळते. यामध्ये एक प्रायमरी आणि एक अॅड-ऑन कनेक्शन जोडता येते. या प्लॅनमध्येही अनलिमिटेड 4G/5G डेटा, सर्व नेटवर्कवर अनलिमिटेड कॉलिंग आणि दरमहा 100 SMS ची सुविधा दिली जाते. एकाच प्लॅनमध्ये दोन मोबाईल कनेक्शन वापरू इच्छिणाऱ्या ग्राहकांसाठी हा प्लॅन अधिक उपयुक्त पर्याय ठरू शकतो.
