Photos | ‘तुमच्यासाठी हा 10 वा महिना आहे, पण आमच्यासाठी 9 वा’, अभिनेत्री अमृता रावचं सरप्राईज
बॉलिवूड अभिनेत्री अमृता राव लवकरच आई होणार आहे. सुरुवातीला तर सोशल मीडियावर व्हायरल झालेल्या एका फोटोवरुन अमृता गरोदर असल्याचं समोर आलं.
-
-
बॉलिवूड अभिनेत्री अमृता राव लवकरच आई होणार आहे. सुरुवातीला तर सोशल मीडियावर व्हायरल झालेल्या एका फोटोवरुन अमृता गरोदर असल्याचं समोर आलं. मात्र, आता स्वतः अमृतानेच एक फोटो शेअर करत आपल्या चाहत्यांना ही आनंदाची बातमी दिली आहे. यासोबतच अमृताने आणखी एक सरप्राईज देखील दिलंय.
-
-
अमृता सध्या 9 महिन्यांची गरोदर आहे आणि केव्हाही आई झाल्याची आनंदाची बातमी चाहत्यांपर्यंत पोहचू शकते. आतापर्यंत अमृताने ही बातमी लपवली होती, मात्र अखेर व्हायरल झालेल्या फोटोनंतर तिने स्वतःच याचा खुलासा केला.
-
-
अमृताने आपला पती आरजे अनमोलसोबत एक फोटो शेअर केलाय. यात तिने म्हटलं, ‘तुमच्यासाठी हा 10 वा महिना आहे, पण आमच्यासाठी हा 9 वा महिना आहे. सरप्राईज, सरप्राईज, सरप्राईज… अनमोल आणि मी आमच्या नवव्या महिन्यात आहोत.’
-
-
आपली एक्साईटमेंट सांगताना अमृताने सांगितलं, ‘हो गुडन्यूज माझ्या चाहत्यांना आणि मित्रांना सांगताना मी खूप एक्सायटेड आहे. इतके दिवस ही बातमी पोटात लपवून ठेवण्यासाठी सॉरी, पण हे खरं आहे. लवकरच बाळ येणार आहे’.
-
-
अमृताने शेअर केलेल्या फोटोत अमृता आपल्या पतीसोबत उभी असून ‘बेबी बंप’ गोंजारताना दिसत आहे. या फोटोवर चाहत्यांनी खूप सदिच्छा दिल्या आहेत.
-
-
प्रेग्नंसीप्रमाणेच अमृताने आपलं लग्न देखील असंच सिक्रेट ठेवलं होतं. त्यांनी 2016 मध्ये आरजे अनमोलसोबत अगदी मोजक्या जवळच्या लोकांच्या उपस्थितीत लग्न केलं होतं. लग्नाआधी दोघांनी एकमेकांना जवळपास 7 वर्षे डेट केलं होतं.
-
-
अमृताने 2002 मध्ये ‘अब के बरस’ या चित्रपटातून पदार्पण केलं होतं. हा चित्रपट हिट झाला नाही, मात्र अमृताने आपल्या अभिनयातून सर्वांची मनं जिंकली.