Ambani Family : अनंत अंबानी परदेशाऐवजी गुजरातच्या जामनगरलाच का वाढदिवस साजरा करतो? काय आहे कनेक्शन?
अनंत अंबानींच्या वाढदिवसाचा सोहळा सुरू झाला असून जामनगरमध्ये अनेक सेलिब्रिटींचे येताना दिसत आहेत . शाहरुख खानपासून ते रणवीर सिंगपर्यंत अनेकांनी जामनगरमध्ये हजेरी लावली.
अब्जाधीश मुकेश अंबानी आणि नीता अंबानी यांचा धाकटा मुलगा अनंत अंबानी याचा वाढदिवस 10 एप्रिल रोजी असतो. अब्जाधीश पित्याचा मुलगा असलेला अनंत अंबानी ह आपला वाढदिवस देशात किंवा परदेशात न साजरा करता, जामनगर येथील आपल्या घरी साजरा करतो . (all photo : PTI)
अनंत अंबानीच्या वाढदिवसाच्या भव्य सोहळ्यासाठी बॉलिवूड तारे त्यांच्या कुटुंबीयांसह जामनगरला पोहोचत आहेत. अनंतच्या 31 व्या वाढदिवसानिमित्त आयोजित पार्टीमधील मेन्यूचे फोटोही सोशल मीडियावर व्हायरल झाले आहेत.
मुकेश अंबानी यांचा, अनंत हा सर्वात धाकटा मुलगा आहे. त्याचा वाढदिवस खूप थाटामाटात साजरा होतो. अनंत अंबानी याच्यासाठी जामनगरमधील वंतारा प्रकल्प अतिशय खास आणि विशेष आहे. तो त्याचा बहुतांश वेळ इथेच घालवतो. त्याच्या वाढदिवसाचा सोहळादेखील वंतारा जामनगरमध्येच आयोजित करण्यात आला आहे.
अनंत अंबानींच्या लग्नाचीही बरीच चर्चा झाली होती. त्याने 12 जुलै 2024 रोजी राधिका मर्चंटशी लग्न केले. या लग्नसमारंभाला मार्च महिन्यात सुरुवात झाली. मार्च महिन्यात जामनगरमध्ये तीन दिवसांचा प्री-वेडिंग कार्यक्रम साजरा झाला. रेहानासारख्या अनेक आंतरराष्ट्रीय कलाकारांनी परफॉर्मन्स दिला होता.
अंबानी कुटुंबातील प्रत्येक कार्यक्रमाप्रमाणेच, हा वाढदिवसदेखील भव्य आणि अविस्मरणीय असल्यामुळे चर्चेत आहे. अनेक सेलिब्रिटी अंबानींच्या सेलिब्रेशनसाठी उपस्थित असतात.
अमिताभ बच्चन यांचा नातू, अर्थात श्वेता हिचा मुलगा आणि अभिनेता अगस्त्य नंदा देखील अनंत अंबानींच्या वाढदिवस खास हजेरी लावणार आहे.
