अंतरवली सराटीत कडेकोट बंदोबस्त, वाहतूक वळवली; मोर्चा मुंबईकडे निघण्याआधी नेमकं काय घडतंय?
Antarwali Sarati Police Security Before Manoj Jarange Patil Rally : जालना जिल्ह्यातील अंतरवली सराटी गावाच्या मुख्य रस्त्यावर पोलिसांचा कडेकोट बंदोबस्त तैनात करण्यात आला आहे. मराठा आंदोलक मुंबईला निघण्याआधी अंतरवली सराटीत नेमकं काय घडतंय? वाचा सविस्तर...
मराठा आरक्षणाच्या मागणीसाठी मराठा समाज आक्रमक झाला आहे. मनोज जरांगे यांच्या नेतृत्वात अंसतरवली ते मुंबई महामोर्चा निघणार आहे.
अंतरवलीतून निघणाऱ्या मोर्चाआधी अंतरवलीत घडामोडींना वेग आला आहे. अंतरवली सराटीच्या मुख्यरस्त्यावर पोलिसांचा कडेकोट बंदोबस्त तैनात आहे.
मराठा आंदोलक जिथून बाहेर पडणार आहेत. त्या ठिकाणी बॅरिगेट लावण्यात आले आहेत. थोड्याच वेळात मनोज जरांगे मुंबईकडे निघणार आहेत.
अंतरवली सराटी गावात जाणारी वाहतूक पोलिसांनी बाहेरच्या बाजूने वळवली आहे. मुंबईकडे हा मोर्चा निघण्याआधी पोलिसांनी खबरदारी घेतली आहे.
मनोज जरांगे यांनी काही वेळा आधी माध्यमांशी संवाद साधला. मराठा समाजाने सरकारला 7 महिने वेळ दिला. आता आरक्षण घेतल्या शिवाय राहणार नाही. मी असेल नसेल विचार जागे ठेवा. 26 तारखेला घरा घरातील मराठा समाजाने मुंबईला यावं, असं आवाहन जरांगेंनी केलं आहे.
