जेवणानंतर लगेच फळे खाताय…! योग्य आहे की अयोग्य… जाणून घ्या तज्ज्ञ काय सांगतात…
अनेकांना जेवणानंतर काही तरी गोड किंवा फळे खाण्याची सवय असते. फळ आरोग्यासाठी अत्यंत फायदेशीर आहेत. पण फळे खाण्यासाठी देखील ठकाविक वेळ असते आणि त्याच वेळेत फळे खाल्लेली योग्य ठरतात... तर, जेवणानंतर फळे खाणं योग्य आहे की अयोग्य जाणून घ्या...
जीवनसत्त्वे, खनिजे, फायबर आणि अँटिऑक्सिडंट्सने समृद्ध असलेली फळे केवळ ऊर्जा प्रदान करत नाहीत तर अनेक रोगांपासून संरक्षण देखील करतात. उन्हाळ्यात टरबूज, संत्री किंवा सफरचंद यांसारखी फळे खाल्ल्याने शरीर केवळ हायड्रेट राहत नाही तर पचनसंस्था देखील सुधारते.
अशा परिस्थितीत, जर जड जेवणानंतर लगेच फळे खाल्ली तर पचनक्रिया मंदावू शकते आणि काही लोकांना गॅस आणि पोटफुगीचा त्रास होऊ शकतो. पण, हे सर्वांना लागू होत नाही.
संवेदनशील पचनसंस्था असलेल्या लोकांना किंवा फ्रुक्टोज असहिष्णुता किंवा इरिटेबल बोवेल सिंड्रोम सारख्या आजारांनी ग्रस्त असलेल्यांना जेवणानंतर लगेच फळे खाल्ल्यास वाढलेली गॅस आणि पोटफुगीचा त्रास होऊ शकतो.
काही लोकांचा असा विश्वास आहे की, जर जेवणापूर्वी किंवा नंतर फळे खाल्ली तर शरीर त्यातील पोषक तत्वे पूर्णपणे शोषू शकत नाही. पण, तज्ज्ञांचे म्हणणे आहे की मानवी पचनसंस्थेची रचना अन्नातून जास्तीत जास्त पोषक तत्वे शोषून घेण्यासाठी केली गेली आहे.
तज्ज्ञांच्या मते, काही फळे जेवणानंतर पचण्यास तुलनेने सोपे असतात आणि पचनास मदत करू शकतात. यामध्ये पपई, अननस, किवी, बेरी इत्यादी फळांचा समावेश आहे.
