16 व्या वर्षी डेब्यु, गोविंदाशी अफेअरच्या चर्चा, आज हिरो नंबर 1 नको त्या गोष्टींसाठी चर्चेत, ती करिअरमध्ये कुठच्या कुठे निघून गेली?
छोटी हाईट, सावळा वर्ण आणि वेगळा आवाज यामुळे सुरुवातीला तिला अनेकवेळा रिजेक्टर करण्यात आलं. पण तिने हार नाही मानली. मेहनतीच्या बळावर बॉलिवूडमध्ये स्वत:च स्थान निर्माण केलं.
वयाच्या 16 व्या वर्षी कॅमेऱ्यासमोर पाऊल ठेवलं. सुरुवातीला रिजेक्शन झालं. मग, वेगळा आवाज, दमदार अभिनय आणि स्क्रीन प्रेजेंसच्या बळावर बॉलिवूडमध्ये स्वत:च एक स्थान निर्माण केलं.
आम्ही बोलतोय राणी मुखर्जीबद्दल. फक्त सुपरहिट चित्रपटांशीच राणीचा संबंध आला नाही. अनेक चर्चा तिच्या नावासोबत जोडल्या गेल्या. गोविंदा आणि अभिषेक बच्चन सोबत तिचं अफेअर असल्याच्या चर्चा रंगल्या.
पण अखेरीस तिने बॉलिवूडचा दिग्गज दिग्दर्शक आदित्य चोपडासोबत लग्न करुन संसार थाटला. राणीचं आयुष्य कुठल्या चित्रपटाच्या स्क्रिप्टपेक्षा कमी नाहीय. 21 मार्च आज तिचा वाढदिवस आहे. राणी मुखर्जीच्या करिअरवर एक नजर मारुया.
राणी मुखर्जीचा जन्म 21 मार्च 1978 रोजी मुंबईत एका फिल्मी कुटुंबात झाला. वडिल राम मुखर्जी डायरेक्टर आणि कृष्णा मुखर्जी प्लेबॅक सिंगर होती. काजोल आणि अयान मुखर्जी हे सुद्धा राणीच्या कुटुंबाशी संबंधित आहेत.
‘साथिया’, ‘हम तुम’, ‘ब्लॅक’, ‘बंटी और बबली’, ‘युवा’, ‘वीर जारा’, ‘मर्दानी’ आणि ‘हिचकी’ सारख्या चित्रपटांमुळे तिचा इंडस्ट्रीतल्या टॉप अभिनेत्रींमध्ये समावेश झाला. रानीने आपल्या करिअरमध्ये नॅशनल अवॉर्ड सह अनेक फिल्मफेयर अवॉर्डही जिंकले.
