साडीत सारा आणि सानिया यांचा नखरा पाहाच, कोण जास्त सुंदर, नव्या सूनेसोबत तेंडुलकर कुटुंब समारंभात दिसले
मुलगा अर्जुन तेंडुलकर याच्या विवाहानंतर सचिन तेंडुलकर याची संपूर्ण फॅमिली पहिल्यांदाच एका कार्यक्रमात दिसले. या समारंभाला अनेक दिग्गज उपस्थित होते, परंतू लाईमलाईट तर सारा आणि तिची वहिनी सानिया यांनीच लुटली....
सचिन तेंडुलकर याचा मुलगा अर्जून तेंडुलकर आणि सानिया चंडोक यांच्या विवाहानंतर तेंडुलकर फॅमिली प्रथमच एका सार्वजनिक कार्यक्रमात एकत्र दिसले.
प्रसिद्ध डिझायनर एका लखानी आणि निर्माता रवि भागचंदका यांच्या ग्रँड वेडिंग सेरेमनीला बॉलीवूडचे करण जोहर, राणी मुखर्जी आणि क्रिकेटर झहीर खान अशी बडी असामी पोहचली होती. तेंडुलकर फॅमिली देखील या सोहळ्यात आल्याने छायाचित्रकारांची तारांबळ उडाली.
या बड्या सोहळ्यात सर्वांच्या नजरा मात्र सारा तेंडुलकर, सानिया चंडोक आणि अंजली आणि सचिन तेंडुलकर यांच्यावर खिळल्या होत्या.
या लग्न सोहळ्याला तेंडुलकर कुटुंब मोठ्या रॉयल अंदाजात पोहचले. सचिन तेंडुलकर त्याची पत्नी अंजली, अर्जुन, सून सानिया चंडोक आणि मुलगी सारा यांनी पारंपारिक पोशाख घातला होता.
घरातील लग्नानंतर सचिन तेंडुलकर पहिल्यांदाच त्याच्या संपूर्ण कुटुंबासह एखाद्या सार्वजनिक सोहळ्यात हजर झाला असल्याने सर्वांच्या नजरा तेंडुलकर कुटुंबियाभोवती खिळल्या होत्या.
