Vicky-Ankita Wedding | ‘आज मेरे यार की शादी है..’ अंकिता लोखंडे-विकी जैनच्या संगीत सोहळ्याला कंगनाने लावले चार चांद!
बॉलिवूड अभिनेत्री कंगना रनौतने (Kangana Ranaut) तिच्या सोशल मीडिया अकाऊंटवर खास रॉयल लूकची झलक चाहत्यांसाठी शेअर केली आहे. खास मैत्रीण आभिनेत्री अंकिता लोखंडे (Ankita Lokhande) आणि विकी जैन (Vicky Jain) यांच्या संगीत सोहळ्यासाठी तिने हा लूक निवडला होता.
बॉलिवूड अभिनेत्री कंगना रनौतने (Kangana Ranaut) तिच्या सोशल मीडिया अकाऊंटवर खास रॉयल लूकची झलक चाहत्यांसाठी शेअर केली आहे. खास मैत्रीण आभिनेत्री अंकिता लोखंडे (Ankita Lokhande) आणि विकी जैन (Vicky Jain) यांच्या संगीत सोहळ्यासाठी तिने हा लूक निवडला होता.
या शाही सोहळ्यासाठी तिने निळ्या रंगाचा लेहेंगा परिधान केला होता आणि त्यावर हेवी एम्ब्रॉयडरी केली होती. कंगना रनौतने तिचा हा लूक पूर्ण करण्यासाठी ऍक्सेसरीसमध्ये स्टेटमेंट नेकलेस, मांगपट्टी आणि मांगटिकाचा वापर केला होता.
त्याचवेळी तिने केसांना बन लुक दिला होता. हे फोटो शेअर करताना कंगनाने तिच्या लूकची तुलना 'वॉरियर क्वीन'शी केली आणि कॅप्शनमध्ये लिहिले की, ‘आज मेरे यार की शादी है..’ कंगनाच्या या फोटोंवर चाहते जोरदार कमेंट करत आहेत.
एका यूजरने लिहिले की, ‘मी अभिनेता नाही, पण तुझ्यासोबत काम करायला मला आनंद होईल. ही माझी इच्छा आहे.’ आणखी एका चाहत्याने लिहिले की, ‘असं वाटतंय की तुमचंच लग्न आहे.’
कंगना आणि अंकिता लोखंडे ‘मणिकर्णिका’ या चित्रपटात एकत्र दिसल्या होत्या. या चित्रपटाच्या चित्रिकरणादरम्यान दोघींमध्ये एक खास बॉन्डिंग पाहायला मिळाली. या चित्रपटात कंगना राणी लक्ष्मीबाईच्या भूमिकेत आणि अंकिता तिची मैत्रिणी झलकारीबाईच्या भूमिकेत दिसली होती. म्हणूनच या खास मैत्रिणीच्या संगीत सोहळ्यात उपस्थित राहत कंगनाने या क्षणाला आणखी खास बनवले.