PHOTO | करिअरच्या सुरुवातीला वडापाव खाऊन काढले दिवस, आता छोटा पडदा गाजवतेय सुंबुल खान!
‘इमली’ फेम अभिनेत्री सुंबुल तौकीर खानसाठी (Sumbul Touqeer Khan) अभिनयाचा मार्ग इतका सोपा नव्हता. आपल्या पहिल्या प्रोजेक्टपर्यंत पोहोचण्यासाठी सुंबुलने खूप संघर्ष केला. एका मुलाखतीत सुंबुलने आपल्या संघर्ष, वैयक्तिक आयुष्याची आणि ‘आर्टिकल 15’मध्ये आयुष्मानबरोबर काम करण्याच्या अनुभवाची कहाणी शेअर केली होती.
‘इमली’ फेम अभिनेत्री सुंबुल तौकीर खानसाठी (Sumbul Touqeer Khan) अभिनयाचा मार्ग इतका सोपा नव्हता. आपल्या पहिल्या प्रोजेक्टपर्यंत पोहोचण्यासाठी सुंबुलने खूप संघर्ष केला. एका मुलाखतीत सुंबुलने आपल्या संघर्ष, वैयक्तिक आयुष्याची आणि ‘आर्टिकल 15’मध्ये आयुष्मानबरोबर काम करण्याच्या अनुभवाची कहाणी शेअर केली होती.
सुंबुल तौकीरच्या ‘इमली’ला प्रेक्षकांकडून खूप प्रेम मिळत आहे. या कार्यक्रमाच्या पहिल्याच भागातून तिने प्रेक्षकांचे लक्ष वेधून घेतले आहे. प्रत्येक आठवड्यात हा शो टीआरपीच्या शर्यतीत अव्वल ठरत आहे. सुंबुलच्या व्यक्तिरेखेलाही प्रेक्षकांकडून खूप प्रेम मिळत आहे. ई टाईमला दिलेल्या मुलाखती दरम्यान सुंबुलने लॉकडाऊन दरम्यान कुटुंबीयांपासून दूर जात हैदराबादला जाऊन शूटिंग पूर्ण कसे केले ते सांगितले.
हैदराबादमध्ये शूटिंग दरम्यान सुंबुल आपल्या कुटूंबाला खूप मिस करत होती. खास करून ती आपल्या वडिलांच्या आठवणीने ती खूप अस्वस्थ झाली होती. सुंबुल तिच्या वडिलांच्या अगदी जवळची आहे. याशिवाय ती घरातील बऱ्याच खाद्यपदार्थांही मिस करत होती.
वडिलांना सरप्राईज देण्यासाठी ती किती उत्सुक आहे, हे सांगायलासुद्धा सुंबुल विसरली नाही. या दरम्यान, सुंबुलने खुलासा केला की, जेव्हा ती 6 वर्षांची होती, तेव्हा तिच्या पालकांनी घटस्फोट घेतला. तेव्हापासून तिचे आयुष्य नक्कीच वेगळे झाले आहे, पण तिला ते अवघड वाटत नाही. सुंबुलचे वडील या दोन्ही बहिणींची काळजी अगदी आई-वडील दोघांप्रमाणे करतात.
सुंबुलने सांगितले की, तिचे वडील दोन्ही मुलींसाठी नाश्ता तयार करतात आणि त्यांना शाळेसाठी तयार करतात. मग ते ऑफिसला जातात. आता सुंबुलची इच्छा आहे की, तिनेही वडिलांसाठी काहीतरी करावे.
तिच्या संघर्षाविषयी बोलताना सुंबुल म्हणते की, आजही आम्ही मुंबईत भाड्याच्या घरात राहतो. मला माझ्या वडिलांसाठी घर घ्यायचे आहे. मुंबईत येण्यापूर्वी पप्पांनी सर्व काही कसे विकले, ते मला आजही आठवते.
सुंबुल पुढे म्हणतो, हा आमच्यासाठी खूप वाईट काळ होता. आम्ही मुंबईत फक्त वडा पाव खाऊन उदरनिर्वाह करत होतो, पण कधीच आम्ही किंवा त्यांनी तक्रार केली नाही. संघर्ष करणार्‍या बर्‍याच लोकांचे प्राण वडापावने वाचवले आहेत. तेव्हाचे ते दिवस होते आणि आजचे हे दिवस आहेत, जेव्हा जेव्हा मी पैसे काढण्यासाठी जाते, तेव्हा मी देवाचे नक्कीच आभार मानतो. आता मी फक्त पप्पासाठी घर खरेदी करण्याची तयारी करत आहे.
सुंबुलने तिच्या ‘आर्टिकल 15’ या चित्रपटाचे कौतुक करताना म्हणते की, त्यापुढेही तिला बॉलिवूड चित्रपटांमध्ये काम करायचे आहे. ती फक्त एक चांगला प्रकल्प शोधत आहे.