मिस इंडिया ते फिल्मफेयर व्हाया ‘खून भरी मांग’, हॅपी बर्थ डे सोनू वालिया!
अभिनेत्री सोनू वालिया यांचा आज वाढदिवस आहे. त्यानिमित्त त्यांच्याकडून जाणून घेऊयात...
19 फेब्रुवारी 1964 ला दिल्लीतील एका पंजाबी कुटुंबात एका सुंदर परीचा जन्म झाला. कदाचित त्यावेळी कुणी कल्पनाही केली नसेल की ही पुढे जाऊन ही मुलगी मिस इंडिया होईल.
1985 साल अभिनेत्री सोनू वालियासाठी विशेष ठरलं. यावर्षी सोनू मिस इंडिया झाल्या. त्यानंतर बॉलिवूडची दारं सोनू यांच्यासाठी खुली झाली. 'खून भरी मांग' या चित्रपटातून सोनू यांनी बॉलिवूडमध्ये पदार्पण केलं आणि हिट ठरल्या. पहिल्याच चित्रपटातलं त्यांचं काम सिनेरसिकांच्या मनात घर करुन गेलं.
1988 मध्ये आलेल्या 'खून भरी मांग' या चित्रपटातील भूमिकेसाठी सोनू यांना सर्वोत्कृष्ट सहाय्यक अभिनेत्रीचा फिल्मफेअर पुरस्कारही मिळाला.त्यानंतर त्यांच्यावर कौतुकाचा वर्षाव झाला. 'दिल आशना है', 'खेल', 'स्वर्ग जैसा घर', 'आरक्षण', 'अपना देश पराए लोग', 'तूफान' और 'तहलका' यासारख्या अनेक चित्रपटांमध्ये त्यांनी काम केलं.
सोनू वालिया या त्याकाळच्या बोल्ड अभिनेत्रींच्या यादीत अव्वल स्थानी होत्या. 1988 मध्ये आलेल्या 'आकर्षण' चित्रपटात त्यांनी दिलेले बोल्ड सीन्सची त्याकाळी जोरदार चर्चा झाली.
काही काळानंतर सोनूने इंडस्ट्री सोडून लग्न करण्याचा निर्णय घेतला.त्यांनी सूर्य प्रकाश यांच्याशी लग्न केलं.पण काही दिवसातच सूर्य प्रकाश यांचा मृत्यू झाला. मग सोनू यांनी चित्रपट निर्माते प्रताप सिंग यांच्याशी दुसऱ्यांदा लग्न केलं. त्या सध्या अमेरिकेत राहतात. त्यांना एक मुलगीही आहे.