हाऊ रोमँटिक! भावी पत्नी पत्रलेखाला लग्नाच्या दिवशी ‘हे’ खास गिफ्ट देऊ इच्छितो राजकुमार राव!
गेल्या काही दिवसांपासून अभिनेता राजकुमार राव आणि पत्रलेखा यांच्या लग्नाच्या जोरदार चर्चा सुरु आहेत. येत्या काही दिवसांत दोघेही लग्नाच्या बेडीत अडकणार असल्याचे बोलले जात आहे.
गेल्या काही दिवसांपासून अभिनेता राजकुमार राव आणि पत्रलेखा यांच्या लग्नाच्या जोरदार चर्चा सुरु आहेत. येत्या काही दिवसांत दोघेही लग्नाच्या बेडीत अडकणार असल्याचे बोलले जात आहे. दोघांच्या लग्नाची चाहत्यांना खूप उत्सुकता आहे. या दोघांची जोडी खूप पसंत केली जात आहे. या जोडीचे लग्न चंदीगडमध्ये होऊ शकते.
आता या दोघांबाबत समोर आलेली बातमी अशी आहे की, राजकुमार त्याची भावी पत्नी पत्रलेखा हिला लग्नाच्या दिवशी खास भेट देण्याची तयारी करत आहे. त्याला लग्नाच्या दिवशी पत्रलेखाला खास रोमँटिक गिफ्ट द्यायचे आहे.
पत्रलेखा आणि राजकुमार जेव्हापासून रिलेशनशिपमध्ये आले, तेव्हापासून राजकुमार तिच्यासाठी पत्र लिहायचा. काही पत्रे आजही राजकुमारने पत्रलेखाला दिली नसली, तरी ती आजही त्याच्याकडे आहेत.
आता राजकुमार ही जपून ठेवलेली पत्रे लग्नाच्या दिवशी पत्रलेखाला देईल. राजकुमारची ही रोमँटिक शैली अगदी वेगळी आहे. या पत्रांतून तो पत्रलेखाला आपल्या मनातील भावना सांगणार आहे.
नुकतेच राजकुमारने कपिल शर्मा शोमध्ये सांगितले होते की, पत्रलेखाने जेव्हा त्याला पहिल्यांदा पाहिले तेव्हा तिला तो अजिबात आवडला नव्हता. राजकुमार म्हणाला होता, पत्रलेखाने मला पाहिले तेव्हा तिला मी माझ्या ‘लव्ह, सेक्स और धोका’ या चित्रपटातील व्यक्तिरेखाच वाटली. हेच कारण होती की, ती माझ्याशी बोललीच नाही, पण जेव्हा आम्ही बोलू लागलो तेव्हा आमचे बाँडिंग वेगळे झाले.