Bigg Boss OTT | घरचं प्रकरण सोडून शमिता शेट्टी ‘बिग बॉस’च्या घरात! राज कुंद्रा प्रकरणानंतरही शोमध्ये एंट्री करताना म्हणाली…
बिग बॉस 15 अर्थात Bigg Boss OTT हा कार्यक्रम सुरु झाला आहे. रविवारी वूटवर हा शो सुरू झाला. करण जोहर (Karan Johar) सध्या हा शो होस्ट करत, असून सर्व स्पर्धकांची नावे आता समोर आली आहेत. त्यापैकी सर्वात चर्चित नाव म्हणजे शिल्पा शेट्टीची (Shilpa Shetty) बहीण शमिता शेट्टीचे (Shamita Shetty) होते. शमिता शेट्टीने स्पर्धक म्हणून शोमध्ये प्रवेश केला आहे.
बिग बॉस 15 अर्थात Bigg Boss OTT हा कार्यक्रम सुरु झाला आहे. रविवारी वूटवर हा शो सुरू झाला. करण जोहर (Karan Johar) सध्या हा शो होस्ट करत, असून सर्व स्पर्धकांची नावे आता समोर आली आहेत. त्यापैकी सर्वात चर्चित नाव म्हणजे शिल्पा शेट्टीची (Shilpa Shetty) बहीण शमिता शेट्टीचे (Shamita Shetty) होते. शमिता शेट्टीने स्पर्धक म्हणून शोमध्ये प्रवेश केला आहे. राज कुंद्रा (Raj Kundra Case) प्रकरणाच्या दरम्यान शोमध्ये शमिताचे आगमन प्रत्येकासाठी थोडे धक्कादायक होते. पण आता शमिताने स्वतः या मागचे कारण सांगितले आहे.
शमिता शेट्टीने स्टेज होस्ट करण जोहरला ती शोचा भाग होण्यामागचे कारण सांगितले आहे. शमिता म्हणाली की, राज कुंद्रा वादानंतर तिच्या मनात दोन विचार चालू होते की, या शो मध्ये जावे की नाही...
त्यानंतर शमिता करण जोहरला म्हणाली की, काळ चांगला असो वा वाईट असो, आपण श्वास घेणं सोडत नाही, तेव्हा आपण काम करणं का सोडावं? आणि खरं सांगू तर, बिग बॉसची ऑफर मला खूप पूर्वी आली होती आणि मी त्या वेळी मी ही कमिटमेंट केली होती.
शमिता पुढे म्हणाली की, मग खूप काही घडले आणि मला वाटले की कदाचित या वेळी विग बॉसच्या घरात जाणे योग्य ठरणार नाही, पण मी वचन दिले होते आणि एकदा मी वचन दिले, मी स्वतःचेही ऐकत नाही!
जेव्हा, शमिता शोमध्ये आली तेव्हा करण जोहरने तिला तिचे कनेक्शन निवडण्यास सांगितले. शमिताने अभिनेता राकेश बापट आणि अभिनेता करण नाथ यांना तिचे कनेक्शन निवडण्याचे ठरवले होते. त्यानंतर राकेश आणि करण यांच्यात एक टास्क झाला आणि राकेश शमिताला प्रभावित करण्यात यशस्वी झाला. आता ‘बिग बॉस ओटीटी’मध्ये शमिता आणि राकेश ही जोडी बनली आहे.
राज कुंद्रा यांना गेल्या महिन्यात अश्लील व्हिडीओ बनवल्याप्रकरणी अटक करण्यात आली होती. राज कुंद्रा सध्या न्यायालयीन कोठडीत आहे. राज व्यतिरिक्त, त्याच्याबरोबर काम करणाऱ्यांपैकी अनेकांनाही पोलिसांनी अटक केली. राज कुंद्राच्या अटकेनंतर शिल्पाने अलीकडेच सोशल मीडियावर एक स्टेटमेंट शेअर केले आणि लोकांना तिची प्रायव्हसी जपण्याचे आवाहन केले होते.