अली बाबा: दास्तान ए काबुल मालिकेचा सेट जळून खाक तुनिशा शर्मा हिने याच सेटवर…
टीव्ही अभिनेत्री तुनिशा शर्मा हिने आत्महत्या करत सर्वांना मोठा धक्का दिला. तुनिशा शर्मा हिने अली बाबा: मालिकेच्या सेटवरच आपली जीवनयात्रा संपवली होती. तुनिशा शर्मा हिच्या अशाप्रकारे जाण्याने सर्वांना धक्का बसला. या प्रकरणात शीजान खान याच्यावर गंभीर आरोप करण्यात आले.
बालकलाकार म्हणून आपल्या करिअरची सुरूवात करणारी टीव्ही अभिनेत्री तुनिशा शर्मा हिने अली बाबा मालिकेच्या सेटवर गळफास घेत आत्महत्या केल्यानंतर सर्वांना मोठा धक्का बसला.
तुनिशा शर्मा हिच्या आत्महत्येच्या प्रकरणात अली बाबा मालिकेत तुनिशा शर्मा हिच्यासोबत मुख्य भूमिकेत असलेल्या शीजान खान याच्यावर गंभीर आरोप करण्यात आले. शीजान याला जवळपास तीन महिने जेलमध्ये राहवे लागले.
नुकताच अली बाबा: मालिकेच्या सेट संदर्भातील बातमी पुढे येतंय. तुनिशा शर्मा हिने ज्या सेटवर गळफास घेतला त्या सेटला मोठी आग लागल्याने सेट पूर्णपणे जळून खाक झालाय.
रिपोर्टनुसार भजनलाल स्टूडिओला आग लागली होती. मात्र, या आगीच्या कचाट्यात इतरही स्टूडिओ आले. या आगीत अली बाबा मालिकेचा स्टूडिओ देखील जळून खाक झालाय.
रिपोर्टनुसार शनिवारी पहाटे चार वाजता ही आग लागल्याची माहिती मिळत आहे. मात्र, नेमकी आग कशाने लागली याचे कारण अजून कळू शकले नाहीये. मात्र, या आगीमध्ये मोठे नुकसान झाले.
