Marathi News Photo gallery Comedy drama matargashti trending number 1 on netflix web series Rajesh Kumar ott
फक्त 5 एपिसोड्सची सीरिज, ओटीटीवर येताच धुमाकूळ; बाप-लेकीची गोष्ट ठरली नंबर 1
कौटुंबिक नात्यांवर आधारित हलकीफुलकी कथा पाहायला आवडत असेल, तर ही सीरिज तुमच्या वॉचलिस्टमध्ये असू शकते. कलाकारांचा सहज अभिनय आणि छोटे भाग यामुळे ती एकदा पाहण्यासारखी आहे. ही सीरिज सध्या नेटफ्लिक्सवर उपलब्ध आहे.
स्वाती वेमूल |
Updated on: Oct 25, 2026 | 12:30 PM
Share
ओटीटीवर सस्पेन्स, क्राइम थ्रिलर आणि अ‍ॅक्शनपट पाहून कंटाळला असाल, तर तुमच्यासाठी एक हलकीफुलकी कॉमेडी-ड्रामा वेबसीरिज सध्या चर्चेत आहे. नेटफ्लिक्सवर नुकत्याच प्रदर्शित झालेल्या ‘मटरगश्ती’ (Matargashti) या सीरिजने रिलीज होताच प्रेक्षकांचं लक्ष वेधून घेतलं आहे.
1 / 7
अवघ्या पाच भागांची ही सीरिज विनोद, कौटुंबिक नातेसंबंध आणि तरुण पिढीच्या स्वातंत्र्याची गोष्ट सांगते. विशेष म्हणजे, या सीरिजमध्ये बाप-लेकीच्या नात्यातील गोडवा, गैरसमज आणि जनरेशन गॅप अतिशय रंजक पद्धतीने दाखवण्यात आला आहे.
2 / 7
‘मटरगश्ती’ ही हिंदी कॉमेडी-ड्रामा सीरिज 21 ऑक्टोबर 2026 रोजी नेटफ्लिक्सवर प्रदर्शित झाली. रिलीज झाल्यानंतर अवघ्या काही दिवसांत या सीरिजने भारतातील ट्रेंडिंग यादीत पहिलं स्थान मिळवलं. ती सलग तीन दिवस पहिल्या क्रमांकावर होती. त्यानंतर ‘रोडीज : रीबर्थ’ या शोने पहिलं स्थान मिळवलं, तरी ‘मटरगश्ती’ टॉप 10 मध्ये कायम होती. नेटफ्लिक्सच्या जागतिक टीव्ही सीरिज ट्रेंडिंग यादीतही या सीरिजने 18वं स्थान मिळवलं होतं.
3 / 7
लखनऊच्या पार्श्वभूमीवर आधारित या सीरिजमध्ये धरा नावाच्या 19 वर्षीय तरुणीची गोष्ट दाखवण्यात आली आहे. धरा अभ्यासात हुशार असून कॉलेजमध्ये शिकते. तिला स्वतःच्या आयुष्याचे निर्णय स्वतः घ्यायचे आहेत. मैत्री, प्रेमसंबंध आणि स्वतःच्या भावविश्वाचा शोध घेताना ती स्वातंत्र्य अनुभवण्याचा प्रयत्न करते. मात्र, तिचे वडील प्रकाश यांना मुलीच्या या विचारांशी जुळवून घेणं कठीण जातं.
4 / 7
प्रकाश हे मुलीची काळजी घेणारे, पण अतिसंरक्षण करणारे वडील आहेत. धराच्या डेटिंगविषयी त्यांना समजताच ते अस्वस्थ होतात. त्यानंतर मुलीचे प्रेमसंबंध बिघडवण्यासाठी ते गुपचूप वेगवेगळ्या युक्त्या आखू लागतात. यातून निर्माण होणारे प्रसंग प्रेक्षकांना हसवतात, तर काही प्रसंग विचार करायलाही भाग पाडतात.
5 / 7
या सीरिजमध्ये राजेश कुमार यांनी प्रकाश या वडिलांची भूमिका साकारली आहे. ‘साराभाई व्हर्सेस साराभाई’मधील रोशेश या व्यक्तिरेखेमुळे लोकप्रिय झालेल्या राजेश कुमार यांनी यामध्ये एका काळजीवाहू, पण गोंधळलेल्या वडिलांची भूमिका उत्तमरीत्या साकारली आहे. अद्रिजा सिन्हा हिने धराची भूमिका साकारली असून तिच्या सहज अभिनयाचं कौतुक होत आहे. सौम्या उनियाल ही धराची मैत्रीण चारूच्या भूमिकेत दिसते. या तिघांच्या अभिनयामुळे सीरिजमधील प्रसंग अधिक नैसर्गिक वाटतात. दिग्दर्शनाची जबाबदारी सिद्धांत चव्हाण यांनी सांभाळली आहे.
6 / 7
‘मटरगश्ती’चे एकूण पाच भाग असून प्रत्येक भाग साधारण 20 ते 21 मिनिटांचा आहे. त्यामुळे कमी वेळेत संपूर्ण सीरिज पाहता येते. बाप-लेकीच्या नात्यातील अंतर, मुलांच्या स्वातंत्र्याबाबत पालकांची चिंता आणि बदलत्या पिढीचे विचार हे विषय विनोदी शैलीत मांडण्यात आले आहेत.
