Deepika Padukone : बेबी बंप फ्लाँट करत दीपिकाचं रणवीरसोबत ग्लॅमरस फोटोशूट; दुआच्या क्युट स्माईलने वेधलं लक्ष
अभिनेत्री दीपिका पादुकोणने दुसऱ्या बाळाच्या आगमनापूर्वी पती रणवीर सिंह आणि लेक दुआसोबत खास बेबी बंप फोटोशूट केले आहे. या ब्लॅक अँड व्हाईट फोटोंमध्ये दीपिकाचा बेबी बंप स्पष्ट दिसत असून, रणवीर आणि दुआ पांढऱ्या कपड्यांमध्ये ट्विनिंग करताना दिसले. दुआच्या गोंडस हास्याने या फोटोशूटमध्ये चार चांद लावले असून, हे फोटो सोशल मीडियावर खूप व्हायरल झाले आहेत.
अभिनेत्री दीपिका पादुकोण (Deepika Padukone) सध्या बरीच चर्चेत आहे. ती दुसऱ्यांदा आई होणार असून काही महिन्यांपूर्वीच तिने आणि रणवीरने ही गुड न्यूज शेअर केली होती. आता दीपिकाने तिचं बेबी बंप फ्लाँट करत खास फोटोशूट केलंय. या फोटोंमध्ये दीपिका पती रणवीर सिंह आणि लाडकी लेक दुआ यांच्यासोबत दिसत्ये. दुआच्या क्युट स्माइलने सर्वांचं लक्ष वेधून घेतलं. दुआच्या वाढदिवशीच रणवीर आणि दीपिकाने हे खास फोटो शेअर केलेत. त्यासोबतच आशीर्वाद आणि शुभेच्छांसाठी त्यांनी चाहत्यांचे आभार मानले. ( All Photos : Instagram)
1 / 6
दीपिका-रणवीरचं हे ब्लॅक अँड व्हाइट फोटोशूट आहे. रणवीरने पांढऱ्या रंगाच्या कपडे घातलेत. तर त्याची लाडकी लेकंही पांढरा शर्ट आणि जीन्स घालून बाबांसोबत ट्विनिंग करताना दिसली. तर दुसरीकडे, दीपिका पाडुकोण पांढऱ्या रंगाच्या नेटच्या टॉप आणि पँटमध्ये दिसली. काही फोटोंमध्ये रणवीरने दुआला कडेवर घेतलंय, तर दीपिकानेही दुआवर प्रेमाचा वर्षाव केला. दोन वेण्या घालून दुआ अतिशय क्युट दिसत होती. तिच्या हास्याने सर्वांचं लक्ष वेधून घेतलं.
2 / 6
दीपिका आणि रणवीरच्या या आनंदी कुटुंबाच्या फोटोंनी सोशल मीडियावर चांगलीच चर्चा रंगली आहे. सर्वजण आनंदी असून नव्या बाळाच्या स्वागतासाठी उत्सुक असल्याचं त्यांच्या चेहऱ्यावरून दिसतंय. रणवीर दीपिकाच्या बेबी बंपवर हात ठेवतानाही या फोटोंमध्ये दिसला.
3 / 6
दीपिका आणि रणवीर यांनी 14-15 नोव्हेंबर 2018 रोजी इटलीमध्ये लग्न केलं. खासगी समारंभात त्यांचा विवाह पार पडला होता. त्यांच्या लग्नाचे व्हिडिओ आणि फोटो सोशल मीडियावर मोठ्या प्रमाणात व्हायरल झाले होते. 8 सप्टेंबर 2024 रोजी त्यांच्या मुलगी दुआचा जन्म झाला.
4 / 6
दीपिका आणि रणवीरच्या कामााबद्दल सांगायचं झालं तर रणवीर नुकताच 'धुरंधर'मध्ये दिसला. दोन भागांत रिलीज झालेल्या या चित्रपटात त्याने हमजाची भूमिका साकारली. प्रत्यक्षात तो एक भारतीय गुप्तहेर असतो.
5 / 6
आदित्य धरने दिग्दर्शित केलेल्या, रणवीर सिंहच्या या चित्रपटाच्या दोन्ही भागांनी बॉक्स ऑफिसवर अक्षरशः धुमाकूळ घातला होता. आता रणवीर लौकरच 'प्रलय' चित्रपटात दिसणार आहे. तर दीपिका ही लवकरच 'किंग' आणि 'राका' चित्रटपटात दिसेल.
