Deool Band 2: स्वामींची कृपा! 23व्या दिवशीही देऊळ बंद 2ची धमाकेदार कमाई, इतक्या कोटींचा पल्ला पार
Deool Band 2: गेल्या काही दिवसांपासून देऊळ बंद 2 हा चित्रपट चांगलाच चर्चेत आहे. आता या चित्रपटाच्या प्रदर्शनाला 23 दिवस उलटून गेले आहेत. या चित्रपटाने बॉक्स ऑफिसवर किती कमाई केली आहे? चला जाणून घेऊया...
गेल्या काही दिवसांपासून मराठी चित्रपट बॉक्स ऑफिस चांगलीच कमाई करताना दिसत आहेत. 'राजा शिवाजी' नंतर आता 'देऊळ बंद २' या चित्रपटाने बॉक्स ऑफिसवर उत्तम कामगिरी केल्याचे समोर आले आहे. या चित्रपटाने बॉक्स ऑफिसवर बक्कळ कमाई केली आहे. चित्रपट प्रदर्शित होऊन 23 दिवस झाले आहेत. तरी सिनेमा चांगली कमाई करताना दिसत आहे.
देऊळ बंद 2 हा चित्रपट 21 मे रोजी प्रदर्शित झाला होता. 23 दिवसांनंतरही सिनेमा चांगली कमाई करताना दिसत आहे. या सिनेमात मोहन जोशी आणि स्नेहल तरडे यांच्या मुख्य भूमिका आहेत.
आज, 23 व्या दिवशी देऊळ बंद 2 सिनेमाने म्हणजेच चौथ्या शुक्रवारी या सिनेमानं 1.27 कोटींचे बॉक्स ऑफिस कलेक्शन केले आहे. या चित्रपटाचे 725 शोज पार पडले होते. 725 शोजमधून या सिनेमानं इतक्या कोटीचे कलेक्शन केले. दरम्यान, 22व्या दिवसाच्या तुलनेत या सिनेमानं 23 दिवशी दमदार कमाई केली आहे.
सॅकनिल्कच्या अर्ली ट्रेंड रिपोर्टनुसार, चित्रपटाने 22व्या म्हणजेच चौथ्या गुरुवारी 85 लाखांचं बॉक्स ऑफिस कलेक्शन केलं. दरम्यान, काल सिनेमाच्या कमाईत वाढ झाली असल्याचं पाहायला मिळालं.
देऊळ बंद 2 या चित्रपटात शेतकऱ्यांचे प्रश्न मांडण्यात आले आहेत. प्रवीण तरडे दिग्दर्शित या सिनेमाने प्रेक्षकांची मने जिंकली आहेत. कमाईच्या बाबतीत या चित्रपटाची घोडदौड सुरुच आहे. आता येत्या दिवसांमध्ये चित्रपट किती कमाई करतो हे पाहण्यासाठी सर्वजण आतुर आहेत.
