cloud weight : ढगांचं वजन किती असतं ? 99% लोकांना हे माहीत नसेलच..
ढगांचे वजन किती असतं,असा प्रश्न तुम्हाला कधी पडला आहे का? ढगांचे वेगवेगळे प्रकार आहेत आणि त्यांची रचना आणि वैशिष्ट्ये त्यावर वजन अवलंबून असतं. म्हणून, कोणत्याही ढगाचे अचूक वजन सांगण्यापूर्वी, आपण कोणत्या प्रकारच्या ढगांबद्दल बोलतोय हे समजून घेणे आवश्यक आहे. (Photo Credits: Canva)
आकाशात तरंगणाऱ्या ढगांबद्दल काही मनोरंजक तपशील आहेत जे वाचल्यावर तुम्ही आश्चर्यचकित व्हाल. आता, जर ढगांच्या वजनाबद्दल बोलायचं झालं तर एक प्रश्न उद्भवतो : ते म्हणजे, इतका जड असूनही ढग हवेत कसा तरंगतो? ढग जमिनीवर पडण्यापासून रोखण्याचा काही मार्ग आहे का? पण जेव्हा ढगांमधून पाऊस पडतो तेव्हा तो थेट जमिनीवर पोहोचतो.
शाळेत विज्ञान शिकताना तुम्ही हे वाचलं असेलच ना की, पाण्याची वाफ हवेत सर्वत्र पसरलेली असते. जेव्हा हे बाष्प हवेत वर जाते तेव्हा त्याचे तापमान कमी होऊ लागते. या काळात, पाण्याचे कण लहान थेंबांमध्ये एकत्र होतात, जे मिळून ढग तयार होतात.
हे ढग हवेत तरंगत असल्याने ते सहसा हलके दिसतात, परंतु प्रत्यक्षात त्यांचे वजन खूप जास्त असते. आश्चर्याची गोष्ट म्हणजे, ढगाचे सरासरी वजन सुमारे 1.1 मिलियन पौंड किंवा सुमारे 450 हजार किलोग्रॅम असते. जे सुमारे 100 हत्तींच्या वजनाइतके आहे.
पण मग इतके वजन असतानाही ढग कसे तरंगतात, असा प्रश्न पडू शकतो. कारण असे की ढग तयार करणारे पाण्याचे कण खूप बारीक आणि हलके असतात, जे उबदार हवेने सहजपणे इकडून तिकडे वाहून (नेले) जातात.
ज्याप्रमाणे पाणी उकळल्यावर वाफेसारखे वर येते, त्याचप्रमाणे पाण्याचे हे छोटे थेंब देखील वर येतात. जोपर्यंत हे थेंब एकत्र येऊन जड होत नाहीत तोपर्यंत ते जमिनीवर पडत नाहीत. ढगांमधून हे पाणी पाऊस, बर्फ किंवा गारपिटीत रूपांतरित होईपर्यंत पडत नाही. जर ढग एखाद्या अडथळ्यावर आदळला किंवा आतून दाब वाढला तर त्यामुळे 'ढग फुटी'ची अशी घटना होऊ शकते.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही.)
