ढोल-ताशांचा आवाज, गुलालाची उधळण अन्…; विसर्जन मिरवणुकीत न्हाले मुंबईकर
जगभरात ख्याती असलेला लालबागचा राजाची विसर्जनासाठी मार्गस्थ झाला आहे. सध्या ठिकठिकाणी लालबागचा राजावर गुलालाची उधळण केली जात आहे.
गणपती बाप्पा मोरया, पुढच्या वर्षी लवकर या... असा जयजयकार करत ढोल-ताशांच्या गजरात आणि गुलालाची उधळण करत गणरायाला निरोप दिला जात आहे. मुंबईत ठिकठिकाणी गणेशभक्तांची प्रचंड गर्दी उसळली आहे.
गेले दहा दिवस मोठ्या भक्तीभावाने गणपती बाप्पाची पूजा करणाऱ्या सर्वच गणेशभक्तांचे डोळे आज पाणावले आहेत. 'पुढच्या वर्षी लवकर या' अशी साद घालत गणरायाला निरोप दिला जात आहे.
मुंबईतील अनेक मानाच्या गणपतींच्या मिरवणुका सुरुवात झाली आहे. मोठ्या थाटामाटात, ढोल-ताशांच्या गजरात, गुलालाची उधळण करत बाप्पाची राजेशाही मिरवणूक सुरु आहे.
जगभरात ख्याती असलेला लालबागचा राजाची विसर्जनासाठी मार्गस्थ झाला आहे. सध्या ठिकठिकाणी लालबागचा राजावर गुलालाची उधळण केली जात आहे.
तर दुसरीकडे लालबागचा राजासह अनेक मोठमोठे गणपती पाहण्यासाठी लाखो भाविक हे लालबाग-परळमध्ये दाखल झाले आहेत.
सध्या मुंबईतील अनेक चौपाट्यांवरही गणेशभक्तांची गर्दी पाहायला मिळत आहे. बाप्पाचं मोहक रुप पाहण्यासाठी सकाळपासूनच अनेक भक्त विसर्जन मिरवणुकीत सहभागी झाल्याचे दिसत आहेत.
मुंबईतील गिरगाव चौपाटी, जुहू चौपाटी, मढ आणि इतर चौपाट्यावर गणपती विसर्जनाची तयारी करण्यात आली आहे.
आज मुंबईत ठिकठिकाणी 9 अप्पर पोलीस आयुक्त,40 डीसीपी, 56 एसीपी दर्जाचे अधिकारी बंदोबस्त ठेवणार आहेत. तर 20 हजारहून अधिक पोलीस अधिकारी बंदोबस्तासाठी असतील.
गणपती बाप्पाच्या विसर्जनसाठी मुंबईतील विविध चौपाट्यांवर 761 जीवरक्षक तैनात करण्यात आले आहे. तसेच ४८ मोटरबोटी तैनात आणि २३ हजार ४०० पोलीस कर्मचारीही बंदोबस्तासाठी तैनात आहेत.
(सर्व फोटो - लालबागचा राजा युट्यूब)
