Girija Oak: नॅशनल क्रश म्हणतात ते उगाच नाही..; गिरीजा ओकचा नवीन लूक पाहून चाहते घायाळ
Girija Oak: 'नॅशनल क्रश' म्हणून ओळखली जाणारी मराठमोळी अभिनेत्री गिरीजा ओक सध्या तिच्या नव्या लूकमुळे चर्चेत आहे. शॉर्ट हेअरकट केल्यानंतर गिरीजाने हे खास फोटोशूट केलं आहे. त्यावर नेटकऱ्यांनी लाइक्स आणि कमेंट्सचा वर्षाव केला आहे.
मराठी मनोरंजनविश्वातील लोकप्रिय अभिनेत्री गिरीजा ओक तिच्या अभिनयासोबतच हटके लूक आणि स्टाईलमुळेही कायम चर्चेत असते. सध्या तिचा शॉर्ट हेअर लूक सोशल मीडियावर चाहत्यांचं लक्ष वेधून घेत आहे.
साधा पण स्टायलिश अंदाज, आत्मविश्वासपूर्ण व्यक्तिमत्त्व आणि नव्या हेअरस्टाइलमुळे गिरीजाच्या या लूकवर नेटकऱ्यांकडून लाइक्स आणि कमेंट्सचा वर्षाव होत आहे.
गिरीजाने तिच्या नव्या लूकमध्ये केस छोटे ठेवले आहेत. शॉर्ट हेअरस्टाइलमुळे तिच्या चेहऱ्याला एक वेगळाच शार्प आणि फ्रेश लूक मिळाला आहे.
पारंपरिक तसंच मॉडर्न अशा दोन्ही प्रकारच्या भूमिका सहजपणे साकारण्यासाठी ओळखली जाणारी गिरीजा तिच्या लूकमध्येही वेगवेगळे प्रयोग करताना दिसते. त्यामुळे तिच्या नव्या हेअरस्टाइलची सोशल मीडियावर चांगलीच चर्चा रंगली आहे.
गिरीजाच्या फोटोंवर चाहत्यांनी भन्नाट कमेंट्स केल्या आहेत. तिच्या सौंदर्याचं आणि नव्या लूकचं कौतुक करत काही चाहत्यांनी तिला ‘नॅशनल क्रश’ अशी उपमा दिली आहे.
गिरीजा ओकने मराठी रंगभूमी, मालिका आणि चित्रपटांमध्ये आपल्या अभिनयाची वेगळी छाप निर्माण केली आहे. विविध धाटणीच्या भूमिका साकारताना तिने स्वतःची स्वतंत्र ओळख निर्माण केली.
