ही प्रसिद्ध अभिनेत्री आहे गिरीजा ओकची नणंद; ‘अ‍ॅनिमल’मध्ये रणबीर कपूरसोबत केलंय काम

एकत्र असताना त्या सतत हसत-मजामस्ती करत असतात, असंही तिने नमूद केलं होतं. आता लंडन सहलीतील दोघींचे फोटो समोर आल्यानंतर त्यांच्या चाहत्यांना या खास नात्याची पुन्हा एकदा झलक पाहायला मिळाली आहे. गिरीजाच्या अभिनयासोबतच तिच्या वैयक्तिक आयुष्यातील या आनंदी क्षणांचीही सोशल मीडियावर चर्चा रंगली आहे.

गिरीजा ओकची नणंद आहे प्रसिद्ध अभिनेत्रीImage Credit source: Instagram

स्वाती वेमूल | Updated on: Oct 25, 2026 | 9:33 AM

: मराठी मनोरंजनविश्वातील लोकप्रिय अभिनेत्री गिरीजा ओक सध्या तिच्या अभिनयामुळे नव्हे, तर लंडनमधील खास भटकंतीमुळे चर्चेत आली आहे. गिरीजाने सोशल मीडियावर लंडनमधील काही सुंदर फोटो शेअर केले आहेत. विशेष म्हणजे, या सहलीत तिच्यासोबत तिची नणंद आणि अभिनेत्री मृण्मयी गोडबोलेही आहे.

: दोघींचे एकत्रित फोटो चाहत्यांचं लक्ष वेधून घेत आहेत. मृण्मयीने बॉलिवूड अभिनेता रणबीर कपूरच्या ‘अ‍ॅनिमल’ चित्रपटातही महत्त्वाची भूमिका साकारली होती. त्यामुळे गिरीजाच्या नणंदेबद्दल जाणून घेण्याची उत्सुकता चाहत्यांमध्ये वाढली आहे. गिरीजा ओकने आपल्या लंडन सहलीतील काही खास क्षण इन्स्टाग्रामवर शेअर केले आहेत.

: लंडनमधील सुंदर रस्ते, शहरातील वातावरण आणि तिथल्या विविध ठिकाणांवर फिरतानाचे फोटो या पोस्टमध्ये पाहायला मिळतात. या फोटो सीरिजला तिने ‘London Londoning like London Londons!’ असं मजेशीर कॅप्शन दिलं आहे.

: मृण्मयी गोडबोले ही मराठी चित्रपटसृष्टीतील ओळखीची अभिनेत्री आहे. ती प्रसिद्ध लेखक, दिग्दर्शक आणि अभिनेता श्रीरंग गोडबोले यांची मुलगी आहे. तसंच, ती गिरीजा ओक-गोडबोलेची नणंद आहे. गिरीजाने 2011 मध्ये श्रीरंग गोडबोले यांचा मुलगा सुहृद गोडबोले याच्याशी लग्न केलं.

: मृण्मयीने मराठी चित्रपटांसोबतच हिंदी चित्रपट आणि वेबसीरिजमध्येही काम केलं आहे. ‘ची व ची सौ का’, ‘झिम्मा’ आणि ‘तो, ती आणि फुजी’ यांसारख्या मराठी चित्रपटांमधील तिच्या भूमिकांची दखल घेतली गेली. तिच्या अभिनयातील सहजता आणि वेगवेगळ्या प्रकारच्या भूमिका साकारण्याची क्षमता यामुळे तिने मनोरंजनविश्वात स्वतःची ओळख निर्माण केली आहे.

: मृण्मयी गोडबोलेनं 2023 मध्ये प्रदर्शित झालेल्या रणबीर कपूरच्या ‘अ‍ॅनिमल’ या चित्रपटातही काम केलं होतं. या चित्रपटात तिने मानसोपचारतज्ज्ञ डॉ. अमृता यांची भूमिका साकारली होती. हिंदी चित्रपटसृष्टीतील मोठ्या प्रोजेक्टचा भाग झाल्यामुळे तिच्या कारकिर्दीला आणखी एक महत्त्वाचा टप्पा मिळाला.

: मृण्मयीने ‘पॅडमॅन’सारख्या हिंदी चित्रपटातही काम केलं आहे. मराठी आणि हिंदी अशा दोन्ही मनोरंजनविश्वांत काम करत तिने आपली वेगळी ओळख निर्माण केली आहे. गिरीजा आणि मृण्मयी यांच्यातील नातंही अनेकदा चर्चेत असतं. दोघींचं वय जवळपास सारखं असल्याने त्यांच्यात छान मैत्री असल्याचं गिरीजाने एका मुलाखतीत सांगितलं होतं.

LIVETV