GK : पेट्रोल कसं तयार होतं? त्यासाठी किती वर्षे लागतात?
Petrol : इलेक्ट्रिक गाड्या सोडता इतर वाहनांसाठी पेट्रोल आणि डिझेल इंधन म्हणून वापरले जाते. पण तुम्ही कधी विचार केला आहे का की पेट्रोल तयार कसे होते? आज आपण याबाबत सविस्तर माहिती जाणून घेऊयात.
पेट्रोल म्हणजे काय? : पेट्रोल हे वाष्पशील (Evaporative) हायड्रोकार्बनचे मिश्रण आहे. त्याचे रासायनिक आणि भौतिक गुणधर्म वेगवेगळे असतात. पेट्रोल हे कच्च्या तेलापासून तयार केले जाते. कच्च्या तेलाचे शुद्धीकरण करून पेट्रोल तयार होते.
पेट्रोल तयार करण्याची प्रक्रिया : कच्च्या तेलापासून पेट्रोल आणि डिझेल तयार करण्यासाठी डिस्टिलेशन, क्रॅकिंग, रिफॉर्मिंग आणि अल्काइलेशन अशा विविध प्रक्रिया वापरल्या जातात. यामध्ये पेट्रोल मुख्यतः डिस्टिलेशन प्रक्रियेदरम्यान तयार होते.
गुणवत्ता कशी वाढवली जाते? : पेट्रोल तयार झाल्यानंतर त्याची गुणवत्ता सुधारण्यासाठी त्यात विविध रासायनिक संयुगे मिसळली जातात. त्यानंतर वाहनांसाठी योग्य असे पेट्रोल तयार होते.
पेट्रोल तयार कसे होते? : पेट्रोल जमिनीखाली लाखो वर्षांपासून दडलेल्या मृत समुद्री जीव आणि वनस्पतींच्या अवशेषांपासून तयार होते. प्रचंड उष्णता आणि दाबामुळे हे अवशेष कच्च्या तेलात रूपांतरित होतात, ज्यापासून पुढे पेट्रोल वेगळे केले जाते.
पेट्रोल तयार होण्यास किती वेळ लागतो? : कच्चे तेल तयार होण्यासाठी भौगोलिक परिस्थितीनुसार सुमारे 10 मिलियन ते 300 मिलियन वर्षे लागतात. त्यानंतर त्या कच्च्या तेलाचे शुद्धीकरण करून पेट्रोल तयार केले जाते.
