GK: ना दरवाजा ना खिडकी, भारतातील ही अनोखी ट्रेन म्हणजे दुसरा चमत्कारच; वाचून चकित व्हाल!
Indian Railways : भारतातील रेल्वेचे नेटवर्क हे जगातील सर्वात मोठ्या रेल्वे नेटवर्कपैकी एक आहे. भारतात वेगवेगळ्या प्रकारच्या ट्रेन धावत असतात. मात्र एक अशाप्रकारची ट्रेन आहे जिला दरवाजा आणि खिडकी नसते.
NMG ट्रेन : भारतातील NMG ट्रेनच्या डब्ब्यांना दरवाजा आणि खिडकी नसते. ही विशेष प्रकारची मालगाडी आहे, जी एका राज्यातून दुसऱ्या राज्यात मौल्यवान वस्तू वाहून नेण्यासाठी वापरली जाते.
स्वरूप: ही ट्रेन दिसायला एखाद्या प्रवासी ट्रेनसारखीच (पॅसेंजर गाडी) असते, परंतु यात एकही खिडकी किंवा दरवाजा नसतो. ही गाडी पूर्णपणे पॅक असते.
रूपांतरण प्रक्रिया: जेव्हा प्रवासी रेल्वेच्या ICF कोचचे आयुष्य (साधारण २०-२५ वर्षे) संपते किंवा ते खराब होतात, तेव्हा त्यांना 'पिरियॉडिक ओव्हरहॉलिंग'साठी पाठवले जाते. त्यानंतर त्यांचे रूपांतर 'ऑटो कॅरिअर'मध्ये करून त्यांना NMG असे नाव दिले जाते.
सुरक्षा: गाड्यांचे दरवाजे आणि खिडक्या पूर्णपणे बंद केल्या जातात, जेणेकरून त्यातून कार, ट्रॅक्टर किंवा इतर महागड्या वस्तूंची वाहतूक करताना कोणताही फेरफार किंवा चोरी होऊ नये.
वाहतूक: या ट्रेनचा मुख्य उपयोग मिनी ट्रक, ट्रॅक्टर आणि कार यांसारखी मोठी वाहने एका ठिकाणाहून दुसऱ्या ठिकाणी सुरक्षितपणे पोहोचवण्यासाठी केला जातो.
