GK : 21 दिवस अन् 19000 किलोमीटर, हा आहे जगातील सर्वात लांब रेल्वे प्रवास
Longest Train Journey : लोक सामान्यतः एकाच देशात लांबचा प्रवास रेल्वेने करतात, कारण रेल्वेचा प्रवास हा सुरक्षित प्रवास मानला जातो. आज आपण जगातील सर्वात लांब रेल्वे प्रवासाची सविस्तर माहिती जाणून घेऊयात.
रेल्वे प्रवास : साधारणपणे एका देशात लांब अंतराचा प्रवास करण्यासाठी लोक रेल्वेचा वापर करतात, तर दुसऱ्या देशात जाण्यासाठी विमानप्रवास हा सर्वात सोपा पर्याय मानला जातो.
जगातील सर्वात लांब रेल्वे प्रवास : जगात अशी एक खास रेल्वे यात्रा आहे जी अनेक देशांच्या सीमा ओलांडत एकूण 13 देशांमधून जाते. ही जगातील सर्वात लांब रेल्वे यात्रा मानली जाते.
जगातील सर्वात लांब रेल्वे मार्ग : जगातील सर्वात लांब रेल्वे प्रवास पोर्तुगालमधील लागोस शहरापासून सुरू होऊन सिंगापूरला संपतो. इतक्या लांब रेल्वे प्रवासात ट्रेन 13 देशांमधून जाते, पण या प्रवासात थांबे फक्त 11 ठिकाणी असतात.
13 देशांच्या सीमांमधून प्रवास : या रेल्वे प्रवासात ट्रेन एकूण 18,755 किलोमीटर अंतर पार करते आणि 13 देशांच्या सीमांमधून जाते. हा रेल्वे प्रवास सुमारे 21 दिवसांचा असतो.
या देशांमधून रेल्वे जाते : या सर्वात लांब रेल्वे प्रवासादरम्यान ट्रेन स्पेन, फ्रान्स, रशिया, चीन, व्हिएतनाम, थायलंड आणि सिंगापूर या देशांमधून जाते. या मार्गावर पॅरिस, मॉस्को, बीजिंग आणि बँकॉक यांसारख्या प्रसिद्ध शहरांचा समावेश आहे.
