GK : जगातील सर्वात कोरडं ठिकाण, इथे 400 वर्षांपासून पाऊसच पडला नाही
Driest Place on Earth : जगात असे एक ठिकाण आहे जिथे गेल्या 400 वर्षांपासून पाऊस पडलेला नाही. हे जगातील सर्वात कोरड्या ठिकाणापैकी एक आहे. याची सविस्तर माहिती जाणून घेऊयात.
अटाकामा वाळवंट : जगात अनेक वाळवंटे आहेत, पण अटाकामा हे वाळवंट खूप वेगळे मानले जाते. ते चिली देशाच्या उत्तरेकडील भागात आहे आणि पृथ्वीवरील सर्वात कोरड्या ठिकाणांपैकी एक मानले जाते.
अनोखे पर्यटनस्थळ : हे वाळवंट प्रशांत महासागर आणि अँडिज पर्तवरांग यांच्या दरम्यान पसरलेले आहे आणि सुमारे 1000 किमी लांब आहे. येथील दृश्य इतके वेगळे आहे की अनेकांना असे वाटते की ते पृथ्वीवर नसून एखाद्या दुसऱ्या ग्रहावर आले आहेत.
येथे पाऊस का पडत नाही? : यामागे निसर्गाचे एक रंजक कारण आहे. एका बाजूला उंच अँडिज पर्तवरांगा आहेत, ज्या ढगांना या भागात येण्यापासून अडवतात. दुसऱ्या बाजूला प्रशांत महासागराचे थंड पाणी हवेत ओलावा तयार होऊ देत नाही. त्यामुळे येथे पाऊस पडतच नाही.
अॅडव्हेंचर प्रेमींच्या आवडीचे ठिकाण : जर तुम्हाला प्रवास आणि साहस आवडत असेल तर अटाकामा तुमच्यासाठी एक रोमांचक ठिकाण आहे. येथील Valley of the Moon ही जागा अशी दिसते की जणू आपण चंद्राच्या पृष्ठभागावर पोहोचलो आहोत.
अप्रतिम आकाश : येथील आकाश खूपच स्वच्छ असते. प्रदूषण जवळजवळ नसल्यामुळे रात्री हजारो तारे स्पष्ट दिसतात. म्हणूनच जगातील अनेक मोठे खगोल निरीक्षण केंद्रे या भागात उभारली गेली आहेत.
