थेट खिसा होणार रिकामा, एका क्षणात सोन्याचा भाव प्रचंड वाढला; एक तोळा सोन्यासाठी तब्बल…
गेल्या काही दिवसांपासून सोने आणि चांदीच्या दरात मोठ्या प्रमाणात वाढ होताना दिसत आहे. असे असतानाच आता सर्वांनाच आश्चर्याचपाडणारा नवा सोने आणि चांदीचा भाव समोर आला आहे.
गेल्या काही दिवसांमध्ये सोने, चांदीच्या भावात मोठा बदल होताना दिसत आहे. कधी सोन्याचा भाव वाढतोय. तर कधी चांदीचा भाव वाढताना दिसतोय. कधी-कधी तर सोने आणि चांदी अशा दोन्हींचेही भाव धाडकन घरंगळताना दिसत आहेत. असे असतानाच आता सोने-चांदीच्या नव्या भावाने स गळेच थक्क झाले आहेत.
सुवर्णनगरी म्हणून ओळखल्या जाणाऱ्या जळगावमध्ये सराफा बाजारात मोठी उलाढाल झाली आहे. मिळालेल्या माहितीनुसार जळगावमध्ये चांदीच्या दरामध्ये विक्रमी वाढ झाली आहे. एका दिवसात चांदीचा भाव तब्बल 3 हजार रुपयांनी वाढला आहे.
आता नव्या दरानुसार चांदीचा भाव जीएसटीसह तब्बल 1 लाख 86 हजार 430 रुपये प्रति किलोवर पोहोचला आहे. चांदीसोबतच आता सोन्याचाही भाव वाढला आहे. सोन्याचा भाव मात्र फारसा वाढलेला नाही.
मिळालेल्या माहितीनुसार सोन्याच्या दरात पाचशे रुपयांची वाढ झाली आहे. या भाववाढीसह सोन्याचा दर जीएसटी सह 1 लाख 31 हजार 840 रुपयांवर पोहोचला आहे. भारतीय रिझर्व्ह बँकेने नुकतेच व्याजदरात कपात करण्याचा निर्णय घेतला आहे.
आरबीआयच्या या निर्णयानंतर आता सोने आणि चांदीच्या दरात वाढ झाली आहे. जागतिक परिस्थिती पाहता भविष्यातही या दोन्ही मौल्यवान धातूंची किंमत वाढणार की कमी होणार? असा सवाल उपस्थित केला जात आहे.
