PHOTO : गुजरातमध्ये रुग्णालयांबाहेर रुग्णवाहिकेच्या रांगा, अंत्यविधीसाठी प्रशासनानं जास्तीच्या कबरी खोदल्या!
गुजरातमध्ये कोरोनाचा विळखा चांगलाच वाढलाय. कोरोनामुळे मृत्यूचं प्रमाण वाढलं आहे. गुजरातमधील रस्त्यांवर रुग्णवाहिकेच्या रांगा दिसत आहेत.
गुजरातमधील कोरोनाची स्थिती दिवसेंदिवस विदारक बनत चालली आहे. कोरोना रुग्णांच्या संख्येसह मृतांच्या संख्येतही मोठी वाढ होत आहे. अशावेळी रुग्णालयांबाहेर रुग्णवाहिकेच्या मोठ्या रांगा पाहायला मिळत आहेत.
सूरतमधील रस्त्यांवर सर्वत्र रुग्णावाहिका पाहायला मिळत आहे. एकामागे एक अशा अनेक रुग्णवाहिका रुग्णांच्या सेवेसाठी सज्ज असतात.
प्रशासनाची ही तयारी योग्य असली तरी हे चित्र पाहून गुजरातमधील कोरोनाची विदारकता दिसून येत आहे.
रुग्णवाहिकेसोबत आरोग्य कर्मचारी आणि डॉक्टर्स योग्य ती खबरदारी घेत असल्याचं पाहायला मिळतं. रुग्णवाहिकेत ऑक्सिजनची पुरेशी व्यवस्थाही करुन ठेवली जात आहे.
दुसरीकडे गुरजारमध्ये मृत्यूचं प्रमाण दिवसेंदिवस वाढत आहे. त्यामुळे अंत्यसंस्कारासाठी जागा कमी पडत आहे. अशावेळी सूरमधील दफनभूमीत प्रशासनाकडून जास्तीच्या कबरी खोदल्या जात आहे.
कबर खोदण्यासाठी मजुर मिळत नसल्यामुळे जेसीबीची मदत घेतली जात आहे. प्रशासनाची ही खबरदारी गुजरातमधील मृत्यूचं तांडव स्पष्ट करणारी आहे.