PHOTOS : Twitter चं ब्लू टिकवालं अकाऊंट हवंय? वाचा ‘या’ सोप्या टीप्स…
ट्विटरने 21 मे रोजी ब्लू टिकवाल्या अकाऊंटबाबत महत्त्वाची घोषणा केलीय.
ट्विटरने 21 मे रोजी ब्लू टिकवाल्या अकाऊंटबाबत महत्त्वाची घोषणा केलीय. यानुसार तब्बल 3 वर्षांनंतर ट्विटर आपल्या साईटवरील उल्लेखनीय लोकांना ब्लू टिक देण्याची प्रक्रिया सुरु करणार आहे. ट्विटरने 2017 मध्ये अनेक वाद झाल्यानंतर ब्लू टिक देण्याची प्रक्रिया थांबवली होती.
ट्विटरने आता व्हेरिफिकेशन प्रोसेस सुरु केलीय. या अंतर्गत 19 कोटी 90 लाख दररोजच्या सक्रीय युजर्सपैकी केवळ 3 लाख 60 हजार अकाउंट्सचंच व्हेरिफिकेशन होणार आहे.
ट्विटरने या प्रक्रियेला 6 कॅटेगरीत विभागलंय. यात सरकार, कंपनी, ब्रँड आणि संघटना, वृत्तसंस्था आणि पत्रकार, सामाजिक कार्यकर्ते, मनोरंजन, खेळ आणि गेमिंग आणि अन्य प्रभावी व्यक्तींचा समावेश असेल.
ब्लू टिक मिळवण्यासाठी तुमचं अकाऊंट मागील 6 महिन्यांपासून अॅक्टिव्ह असणं आवश्यक आहे. अकाउंटचे नियमाप्रमाणे फॉलोवर्स असावेत. मागील 12 तास ते 1 आठवड्याच्या काळात तुम्ही कोणताही ट्विटर नियम तोडलेला नसावा. अकाउंटमध्ये प्रोफाइल फोटो, सरकारी आयडी आणि ईमेल आयडी असावा.
पुढील काही आठवड्यांमध्ये ट्विटरवर सर्वांना नवं व्हेरिफिकेशन अॅप्लिकेशन थेट अकाउंट सेटिंग टॅबमध्ये दिसण्यास सुरुवात होईल. यानंतर संबंधित यूजर्सला ब्लू टिकसाठी अर्ज करत आपली माहिती द्यावी लागेल.
तुमची सर्व माहिती योग्य असेल तर ट्विटर तुमच्या अर्जाला गृहित धरुन तुम्हाला ब्लू टिक देईल. जर अर्ज करुनही तुम्हाला ब्लू टिक मिळाली नाही तर तुम्ही 30 दिवसांच्या आत यासाठी पुन्हा अर्ज करु शकता.
