जिद्द आणि चिकाटीच्या जोरावर यशाला गवसणी, पाहा कोण आहे ही IAS अधिकारी
UPSC Success Story : देशातील सर्वात अवघड परीक्षा म्हणजे यूपीएससी परीक्षा. या परीक्षेत पास होण्यासाठी जिद्द आणि चिकाटी असावी लागते. म्हणूनच तर हजारो लोकांमधून फक्त मोजक्या लोकांनाच यश मिळतं. अशीच एक यूपीएससी सक्सेस स्टोरी बद्दल आपण जाणून घेणार आहोत.
स्पर्धात्मक परीक्षेत यशस्वी होण्यासाठी इच्छाशक्ती खूप मजबूत असावी लागतेच पण चिकाटी देखील आवश्यक आहे. एकाच परीक्षेत जर अनेक वेळा अपयश आले तर अनेक जण खचून जातात. पण प्रियांका गोयल यांनी इतरांसमोर आदर्श ठेवला आहे. एखादी गोष्ट मिळवण्यासाठी आपण जर वचनबद्ध असू तर आपण यशाला गवसणी घालू शकतो.
IAS प्रियंका गोयल यांचा जन्म दिल्लीत झालाय. तिथेच त्यांनी महाविद्यालयीन शिक्षण पूर्ण केले. दिल्ली विद्यापीठातून B.Com ची पदवी घेतल्यानंतर त्यांनीा UPSC नागरी सेवा परीक्षेची तयारी सुरू केली.
सहाव्या आणि शेवटच्या प्रयत्नात त्यांनी ही परीक्षा उत्तीर्ण केली, त्यांना 369 ची अखिल भारतीय रँक मिळाली आणि 2023 मध्ये त्या IAS अधिकारी बनल्या.
अडथळे आली पण खचून न जाता प्रियांका यांनी आपले स्वप्न पूर्ण केले. सहा वर्षांच्या प्रवासात अपयशांचा अनुभव घेतला, परंतु चिकाटी आणि मेहनत फळाला आली.
प्रियांका यांना त्यांच्या ऐच्छिक विषय लोक प्रशासनात 292 गुणांसह सर्वोत्कृष्ट गुण मिळाले आणि अंतिम यादीत मुलाखतीच्या 193 गुणांसह एकूण 965 गुण मिळाले.
सक्रिय सोशल मीडिया उपस्थितीमुळे, प्रियांका गोयलचे Instagram वर 184K फॉलोअर्स आहेत. प्रियांका या अनेकदा वैयक्तिक आणि व्यावसायिक आयुष्यातील फोटो सोशल मीडियावर पोस्ट करत असतात.
