आयसीसीचे बॉस झालेल्या जय शाह यांना किती पगार मिळणार? संपत्तीचाही आकडा समोर, जाणून घ्या
ICC New Precident Jay Shah Salary : केंद्रीय गृहमंंत्री अमित शाह यांचे सुपुत्र जय शाह आता आयसीसीचे अध्यक्ष झाले आहेत. आयसीसीच्या अध्यक्षपदावर त्यांची बिनविरोध निवड झाली आहे. आयसीसी अध्यक्षांना पगार किती मिळतो आणि नवीन अध्यक्ष जय शाह यांची एकूण संपत्ती किती ते जाणून घ्या.
बीसीसीआयचे सचिव असलेल्या जय शाह यांची आयसीसी अध्यक्षपदी निवड झाली. 27 ऑगस्ट 2024 ला जय शाह यांची निवड झाली असून येत्या 1 डिसेंबर 2024 ला ते आयसीसीच्या अध्यक्षपदाची सूत्रे स्वीकारणार आहेत.
आयसीसीच्या अध्यक्षपदी निवड होणारे जय शाह हे पाचवे भारतीय ठरले आहेत. याआधी जगमोहन दालमिया, शरद पवार, एन श्रीनिवासन आणि शशांक मनोहर हे आयसीसीचे अध्यक्ष राहिले आहेत.
जय शाह आता आयसीसीचे अध्यक्ष झाल्यालवर त्यांना पगार किती मिळणार ते जाणून घ्या. मीडिया रिपोर्ट्सनुसार आयसीसीच्या या पदावर असलेल्या व्यक्तींना निश्चित असा पगार नसतो. त्यांना प्रवासाचा खर्च, बैठकांसाठी आणि खर्चासाठी आयसीसीकडून भत्ता मिळतो.
आयसीसीच्या बैठकांसाठी अध्यक्षांना विदेशात जावं लागतं. त्यावेळी प्रत्येक दिवसासाठी 1000 डॉलर्स म्हणजेच दिवसाला 82 हजार रूपये मिळतात. मीडिया रिपोर्ट्सनुसार, जय शाह यांची एकूण संपत्ती 125 ते 150 कोटी रुपयांच्या दरम्यान आहे.
केंद्राचे गृहमंत्री असलेल्या अमित शाह यांचे जय शाहे सुपुत्र आहेत. जय शाह आयसीसीचे अध्यक्ष झालेले पाचवे भारतीय आणि सर्वात पहिले तरूण भारतीय ठरले आहेत. वयाच्या 35 व्या वर्षी जय शाह आयसीसीचे अध्यक्ष झाले आहेत.
