आता एक लाखाचं सोनं घेतलं तर २०५० साली त्याचे किती होतील ? आकडा धक्कादायक
गेल्या काही वर्षांतील सोन्याच्या दरवाढीचा कल पाहता, यापुढच्या काळातही सोन्याचे भाव वाढतच राहतील, असे तज्ज्ञांनी म्हटले आहे. २०५० पर्यंत सोन्याचे भाव नेमके किती असतील, याबद्दल सामान्य गुंतवणूकदारामध्ये देखील उत्सुकता आहे.
भारतात सोने हा केवळ हौसेने घेतलेला दागिना नाही तर दीर्घकाळ गुंतवणूकीचा पर्याय आहे. महागाई,आर्थिक अनिश्चितता आणि भू-राजकीय तणावामुळे सोन्यात गुंतवणूक करण्याचे प्रमाण वाढते आणि सोन्याला सहसा मोठा भाव मिळतो.
जानेवारी २०२६ मध्ये १० ग्रॅमच्या २४ कॅरेटचे गोल्ड भारतात किंमत १ लाख ४२ हजार ५४० किंवा १४,२५४ दर ग्रॅम आहे. तसेच २२ कॅरेट गोल्डची दर ग्रॅमची किंमत १ लाख ३० हजार ६६० रुपये किंवा १३,०६६ रुपये दर ग्रॅम आहे. गेल्या २६ वर्षात २४ कॅरेट शुद्धतेचे सोने जवळपास तिप्पट महाग झाले आहे. २०२० मध्ये ५० हजार भाव असलेले सोने आता सुमारे १ लाख ४२ हजार ५४० इतके झाले आहे.
गेल्या ३० वर्षांचा डेटा पाहिला तर भारतात सोन्याचा चक्रवाढ वार्षिक वृद्धी दर ( Compound Annual Growth Rate ) १०.८३ टक्के वार्षिक होता. गेल्या २० वर्षांत १४.३५ टक्के यात वाढ झाली आहे. गेल्या १५ वर्षांत रुपयाचे अवमूल्यन आणि मंदी असताना सरासरी परतावा सुमारे १२ टक्के वाढला आहे. युएसडी टर्मनुसार सोने ५-७ टक्के वार्षिक वाढ झाली आहे.
चीन, रशिया आणि भारत सारख्या देशांच्या मध्यवर्ती बँकांकडून होणारी मोठी खरेदी यांसारखे अनेक घटक भविष्यातील सोन्याच्या किमतींवर परिणाम करतील अशी अपेक्षा आहे. जागतिक महागाई, डॉलरचे कमकुवत होणे, भौगोलिक ताण- तणाव तसेच तंत्रज्ञान आणि हरित ऊर्जा क्षेत्रातील वाढती मागणी हे घटकही यात महत्त्वाची भूमिका बजावतील.२०३० पर्यंत सोन्याचा भाव प्रति औंस ५,००० ते १०,००० डॉलर्सपर्यंत पोहोचू शकतो आणि २०४०-२०५० च्या दिशेने त्यात वाढ होत राहू शकते.
जर आता तुम्ही १ लाख रुपये गुंतवूण जर २४ कॅरेट गोल्ड विकत घेतले तर त्यात ७.०१६ ग्रॅम सोने मिळेल. १० टक्के १०% CAGR (चक्रवाढ वार्षिक वाढीचा दर) दराने, या गुंतवणूकीचे मुल्य २०५० पर्यंत वाढून अंदाजे ९.८५ लाख रुपये होऊ शकते. किंवा ११-१२% CAGR दराने ते १२-१५ लाख रुपयांपर्यंतही पोहोचू शकते. या उलट १ लाख रुपये तुम्ही मुदत ठेवीत (fixed deposit) मुल्य त्याच कालावधीत वाढून ४.१७ ते ५.२९ लाख रुपये होऊ शकते.
