IPL 2021 SRH vs KKR Head To Head Records : आज कोण जिंकणार, कोलकाता की हैदराबाद?, वाचा इतिहासाची पानं…!
SRH vs KKR IPL 2021 Head To Head Records : दोन्ही संघ 19 वेळा आयपीएलमध्ये एकमेकांना भिडले आहेत, ज्यामध्ये केकेआरचा पगडा भारी राहिला आहे. कोलकात्याने 12 सामने जिंकले आहेत तर कोलकात्याने केवळ 7 सामने जिंकले आहेत.
आयपीएलच्या 14 व्या पर्वातील तिसरा सामना आज कोलकाता नाईट रायडर्स (KKR) आणि सनरायझर्स हैदराबाद (SH) यांच्यात होणार आहे. आतापर्यंतच्या आयपीएलच्या इतिहासातील दोन्ही संघांमधील हा 20 वा सामना असेल. परंतु, या सामन्यात कोण विजयी किंवा जिंकणार हे जाणून घेण्यासाठी दोन्ही संघांमधील शेवटच्या 19 सामन्यांचा इतिहास समजून घेणे आवश्यक आहे.
दोन्ही संघ 19 वेळा आयपीएलमध्ये एकमेकांना भिडले आहेत, ज्यामध्ये केकेआरचा पगडा भारी राहिला आहे. कोलकात्याने 12 सामने जिंकले आहेत तर कोलकात्याने केवळ 7 सामने जिंकले आहेत.
भारतीय भूमीवर कोलकाता आणि हैदराबाद आयपीएलच्या 17 सामन्यांमध्ये आमने सामने आले आहेत. यापैकी 7 सामन्यांमध्ये हैदराबादने विजय मिळवला आहे, तर 10 सामन्यांमध्ये कोलकात्याने विजय मिळवला.
आयपीएल 2020 मध्ये दोन्ही संघ एकमेकांना दोनदा भिडले आणि दोन्ही वेळी केकेआरने हैदराबादला पराभूत केलं.
केकेआरविरुद्ध डेव्हिड वॉर्नरने सनरायझर्सकडून सर्वाधिक 616 धावा केल्या आहेत आणि भुवनेश्वर कुमारने सर्वाधिक 19 विकेट घेतल्या आहेत.
नितीश राणाने हैदराबादविरुद्ध नाईट रायडर्सकडून सर्वाधिक 181 धावा केल्या आहेत तर कुलदीप यादव आणि सुनील नरेन यांनी सर्वाधिक 10 बळी घेतले आहेत.