Photo : IPL Auction | 5 खणखणीत षटकारांनी पालटलं नशीब, चेन्नईने मोईन अलीला तब्बल एवढ्या कोटी रुपयांना खरेदी केलंय…!
भारत विरुद्ध इंग्लंड यांच्यात चेन्नई येथे पार पडलेल्या दुसऱ्या कसोटी सामन्यात भलेही इंग्लंडला पराभवाचा सामना करावा लागला. परंतु या मॅचमध्ये इंग्लंडच्या मोईन अलीने बहारदार बोलिंग केली. दुसऱ्या मॅचमध्ये त्याने 8 विकेट्स घेतल्या आणि तडकाफडकी 43 रन्स केले. याचंच बक्षीस त्याला मिळालं आहे. आयपीएल 2021 च्या बोलीमध्ये 3.5 अधिक पटीने तो विकला गेला आहे.
आयपीएलमध्ये त्याला मिळालेल्या बोलीपाठीमागे भारताविरुद्धची दुसऱ्या मॅचची मोईन अलीची कामगिरी असल्याची चर्चा आहे
मोईनने बॉलने आपला जलवा दाखवलाय पण त्याची बॅटही बोलली. त्याने तडकाफडकी 43 रन्स बवनवताना 5 सिक्सर आणि तीन चौकार लगावले.
मोईन अलीला खरेदी करण्यासाठी किंग्ज एलेव्हन पंजाब आणि चेन्नई सुप्पर किंग्जमध्ये स्पर्धा होती. अखेर चेन्नईने 7 कोटी रुपये देऊन त्याला खरेदी केलं. मोईन अलीची बेस प्राइस 2 कोटी रुपये इतकी होती. म्हणजेच तो 3.5 पटीने अधिक महाग विकला गेला.
मोईन अलीने आपल्या टी ट्वेन्टी करिअरमध्ये 167 मॅचेसमध्ये 25 च्या सरासरीने 3513 रन्स केले आहेत. या दरम्यान त्याचा स्ट्राईक रेट 140 एवढा आहे. त्याने 2 शतकं झळकवली आहे तसंच 19 अर्धशतके देखील ठोकली आहेत
