Photo : अपघातानंतर गॅस टँकरला भीषण आग, चालकासह दोघांचा मृत्यू, जळगाव हादरलं
Gas Tanker Accident : जळगावच्या सबगव्हाण टोल नाक्यावर अपघातानंतर गॅस टँकरला भीषण आग लागल्याचे समोर आले आहे. या घटनेत दोघांचा मृत्यू झाला आहे.
जळगावच्या पारोळा-धुळे राष्ट्रीय महामार्ग क्रमांक सहावरील सबगव्हाण टोल नाक्यावर गॅस टँकरचा भीषण अपघात झाला आहे. यानंतर गॅस टँकरला भीषण आग लागली.
गॅस टँकरने टोलनाक्यावरील दुसऱ्या वाहनाला जोरदार धडक दिल्यानंतर टँकरने घेतला पेट घेतला. या अपघातात टँकरमधील चालक व क्लीनर या दोघांचा जागीच मृत्यू झाला आहे.
हा अपघात एवढा जोरदार होता की टँकरचा समोरील भाग पूर्णपणे चक्काचूर झाला आहे. या अपघाताची माहिती मिळतात घटनास्थळी तातडीने दाखल झालेल्या अग्निशमन बंबाने तब्बल दोन तासांच्या प्रयत्ननंतर आग आटोक्यात आणली.
तातडीने आगीवर नियंत्रण मिळवल्याने गॅस टँकरचा स्पोट होण्याची मोठी दुर्घटना टळली आहे. मात्र अपघातामुळे व गॅस टँकरला लागलेल्या आगीमुळे सुमारे दोन ते तीन तास महामार्गावरील दुतर्फा वाहतूक ठप्प झाली होती.
अपघातानंतर गॅस टँकरला आग लागल्याने भीतीचे वातावरण पसरले होते, आजूबाजूच्या गावांना सतर्कतेच्या इशारा देण्यात आला होता, मात्र आता परिस्थिती नियंत्रणात आहे.
