मोठमोठ्या शोरुम्समधून नाही तर जया किशोरी इथून विकत घेतात त्यांचे सुंदर कपडे
मोटिवेशनल स्पीकर आणि कथावाचक जया किशोरी सोशल मीडियावर फार लोकप्रिय आहेत. विविध मुद्द्यांवरील त्यांचे विचार तरुणाईला आवडतात आणि त्यामुळेच त्यांचा चाहतावर्ग मोठा आहे. 28 वर्षीय जया किशोरी या त्यांच्या दिसण्यामुळे आणि सुंदर कपड्यांमुळेही चर्चेत असतात.
कथावाचक जया किशोरी यांचा खूप मोठा चाहतावर्ग आहे. सहजसोपी शिकवण आणि मनाला भावणारे विचार यांमुळे तरुणाईमध्ये त्या खूप लोकप्रिय आहेत. जया किशोरी या त्यांच्या विचारांसोबतच सुंदर दिसण्यामुळे आणि कपड्यांमुळे चर्चेत असतात.
जया किशोरी यांच्या विचारांसोबतच त्यांच्या फॅशन सेन्सचंही खूप कौतुक होतं. त्यांचं पंजाबी ड्रेसेसचं कलेक्शन अनेकांना आवडतं. अत्यंत साध्या लूकमध्येही त्यांचं सौंदर्य खुलून दिसतं. नुकत्याच दिलेल्या एका मुलाखतीत हे ड्रेस कुठून घेतात, याविषयी त्यांनी सांगितलं.
जया किशोरी यांनी सांगितलं की दिल्ली, मुंबई आणि कोलकातामध्ये दोन ते तीन शिलाई मास्टर ठरलेले आहेत. जिथून त्या स्वत:साठी खूप सुंदर ड्रेस शिवून घेतात. पंजाबी सूटसाठी त्या स्वत: कापड निवडतात आणि ते शिवायला देतात.
तोकडे किंवा अजब-गजब फॅशनचे कपडे अजिबात आवडत नसल्याचं त्यांनी स्पष्ट केलं. आपल्या पसंतीचे कपडे प्रत्येक ठिकाणी सहजरित्या विकत मिळत नाहीत. म्हणूनच त्या कापड घेऊन पंजाबी सूट शिवून घेण्यास प्राधान्य देतात, असं त्यांनी सांगितलं.
या मुलाखतीत जया किशोरी यांनी असंही सांगितलं की त्यांच्या सूटची डिझाइन एकसारखीच असते. फक्त कापड बदलत राहतात. एका सेटचे कपडे शिवल्यानंतर शिलाई मास्टरांना डिझाइनची कल्पना येते आणि त्यानंतर त्याच पद्धतीचे 10 ते 15 ड्रेसेस तयार करून देतात, असंही त्या म्हणाल्या.