Jio Recharge : जिओच्या ग्राहकांना सुगीचे दिवस, 336 दिवसांची चिंताच मिटली
Jio 336 Days Plan : जिओने आपल्या कोट्यवधी ग्राहकांसाठी एक मोठा दिलासा देणारा प्लॅन आणला आहे. कंपनीने असा किफायतशीर रिचार्ज प्लॅन सादर केला आहे, ज्यामुळे जवळपास वर्षभर रिचार्ज करण्याची गरज भासणार नाही. या प्लॅनची माहिती जाणून घेऊयात.
रिलायन्स जिओ ही देशातील सर्वात मोठी दूरसंचार कंपनी असून तिच्याकडे 52 कोटींहून अधिक ग्राहक आहेत. कंपनीकडे उद्योगातील सर्वात मोठा रिचार्ज प्लॅन पोर्टफोलिओही उपलब्ध आहे.
ग्राहकांना वारंवार रिचार्ज करण्याची गरज पडू नये, यासाठी जिओने दीर्घ वैधतेच्या प्लॅन्सची संख्या वाढवली आहे. कंपनीकडे सध्या 56 दिवस, 84 दिवस, 90 दिवस, 200 दिवस तसेच इतर अनेक कालावधीचे रिचार्ज प्लॅन्स उपलब्ध आहेत.
आज ज्या प्लॅनबद्दल आपण बोलत आहोत, त्याची किंमत 1,748 रुपये आहे. या प्लॅनमध्ये ग्राहकांना 336 दिवसांची, म्हणजेच जवळपास 11 महिन्यांची वैधता मिळते.
या 1,748 रुपयांच्या प्लॅनमध्ये सर्व नेटवर्कवर अनलिमिटेड व्हॉइस कॉलिंगची सुविधा दिली जाते. त्यामुळे तुम्ही तब्बल 11 महिने कोणत्याही अतिरिक्त खर्चाशिवाय कॉलिंगचा आनंद घेऊ शकता.
कॉलिंगसोबतच या प्लॅनमध्ये 3,600 मोफत SMS देखील दिले जातात. तसेच ग्राहकांना JioTV चे मोफत अॅक्सेसही मिळते. हा जिओचा व्हॉइस-ओन्ली प्लॅन असल्यामुळे मोबाइल इंटरनेट डेटा यात मिळत नाही.
