गाणं पाहिजे तर असं, प्रत्येक नवरा-नवरीचं आवडतं, 30 वर्षांपासून ब्लॉकबस्टर
प्रत्येक नवरा-नवरीचे आवडतं गाणं, जे लग्नसोहळ्याची आजही आहे शान. 30 वर्षांपासून प्रत्येक लग्नात ऐकायला मिळतं. ठरलं प्रचंड सुपरहिट.
90 च्या दशकातील लोकप्रिय अभिनेत्री करिश्मा कपूरने गोविंदा, शाहरुख खान, सलमान खान आणि आमिर खान यांच्यासोबत अनेक सुपरहिट चित्रपट दिले. तिच्या चित्रपटांप्रमाणेच त्यातील गाणीही आजही प्रेक्षकांच्या मनात घर करून आहेत.
त्यापैकी 'आए हो मेरी जिंदगी में' हे गाणं गेल्या 30 वर्षांपासून भारतीय लग्नसोहळ्यांमध्ये आवर्जून वाजवलं जात असून, आजही ते नववधू-वरांच्या आवडत्या गाण्यांपैकी एक मानलं जातं.
हे गाणं 1996 मध्ये प्रदर्शित झालेल्या 'राजा हिंदुस्तानी' या चित्रपटातील आहे. चित्रपटात आमिर खान आणि करिश्मा कपूर यांच्या लग्नाच्या प्रसंगावर हे गाणं चित्रित करण्यात आलं होतं.
'राजा हिंदुस्तानी'मधील 'परदेसी परदेसी', 'कितना प्यारा तुझे रब ने बनाया', 'पूछो ज़रा पूछो' आणि 'तेरे इश्क में नाचेंगे' यांसारखी गाणीही प्रचंड लोकप्रिय ठरली होती. या चित्रपटाने बॉक्स ऑफिसवरही मोठं यश मिळवलं. सुमारे 5.75 कोटी रुपयांच्या बजेटमध्ये तयार झालेल्या या चित्रपटाने जगभरात 76.34 कोटी रुपयांची कमाई केली.
आजही 'आए हो मेरी जिंदगी में' हे गाणं अनेक लग्नसोहळे, रिसेप्शन आणि विवाहसोहळ्यांच्या आठवणींशी जोडलेलं असून, तीन दशकांनंतरही त्याची लोकप्रियता कायम आहे.
