वयाने 14 वर्षांनी मोठ्या अभिनेत्याला डेट करण्याच्या चर्चांवर सुंबुलने सोडलं मौन; म्हणाली..
'ईमली' आणि 'बिग बॉस'मध्ये झळकलेली अभिनेत्री सुंबुल तौकीर तिच्या खासगी आयुष्यामुळे चर्चेत आहे. सुंबुलचं नाव तिचा सहकलाकार मिशकत वर्माशी जोडलं जात आहे. या चर्चांवर आता तिने मौन सोडलं आहे.
'ईमली' या मालिकेतून घराघरात पोहोचलेली अभिनेत्री सुंबुल तौकीर नेहमीच तिच्या खासगी आयुष्यामुळे चर्चेत असते. 20 वर्षीय सुंबुलचं नाव अनेकदा तिच्या सहकलाकारांशी जोडलं गेलंय. याआधी 'ईमली'तील सहकलाकार फहमानशी तिचं नाव जोडलं गेलं होतं. आता 'काव्या' या मालिकेतील सहकलाकार मिशकत वर्माला ती डेट करत असल्याची चर्चा आहे.
मिशकत आणि सुंबुल यांच्या वयात 14 वर्षांचं अंतर आहे. मात्र या दोघांनी ऑनस्क्रीन आणि ऑफस्क्रीन केमिस्ट्री पाहून त्यांच्या डेटिंगच्या चर्चांना चाहते खरे मानत आहेत. आता नुकत्याच दिलेल्या एका मुलाखतीत सुंबुलने या चर्चांवर प्रतिक्रिया दिली आहे.
"वयानुसार मी आणखी समजूतदार आणि मोठी झाली आहे. अशा चर्चांमुळे आधी मी खूप त्रस्त व्हायची. पण आता मी लोकांचा फार विचार करत नाही. तुम्ही स्वत:साठी सर्वकाही करत आहात, याचा विचार करा. लोकांचा विचार करू नका", असं ती म्हणाली.
"चर्चा करणारे लोक माझ्यासाठी काहीच करत नाही. ते मला जेवण बनवून देत नाहीत, ते माझ्यासाठी काम करत नाहीत. मग त्यांना माझ्याबद्दल काहीच बोलण्याचा अधिकार नाही. तरीही ते बोलत असतील तर त्यांच्यापेक्षा मूर्ख कोण असेल? अशा लोकांना का महत्त्व द्यायचं?", असा सवाल सुंबुलने केला.
सुंबुलने डेटिंगच्या चर्चांनाही पूर्णविराम दिला आहे. "मी कोणालाच डेट करत नाहीये. जेव्हा मी एखाद्या व्यक्तीला डेट करेन, तेव्हा तुम्हाला त्याबद्दलची माहिती नक्कीच मिळेल", असं तिने सांगितलंय.
