Maharashtra Day 2021 : राज्यात महाराष्ट्र दिनाची धूम, दिग्गज नेत्यांकडून ध्वजारोहण
(Maharashtra Day 2021: Flag hoisting by veteran leaders)
आज 1 मे म्हणजेच महाराष्ट्र दिन. यंदा राज्याच्या स्थापनेचा 61 वा वर्धापन दिन साजरा केला जात आहे. 1 मे 1960 या दिवशी महाराष्ट्र स्वतंत्र राज्य अस्तित्वास आलं. संपूर्ण महाराष्ट्राला अभिमान वाटावा आणि मोठ्या उत्साहात हा दिवस साजरा केला जातो.
संयुक्त महाराष्ट्राच्या चळवळीत प्राणाची आहुती देणाऱ्या हुतात्म्यांना महाराष्ट्र दिनानिमित्त मुख्यमंत्री उद्धव ठाकरे यांनी अभिवादन केले.
यावेळी राज्याचे गृह मंत्री दिलीप वळसे-पाटील, मुंबईच्या महापौर किशोरी पेडणेकर,मुख्य सचिव सीताराम कुंटे, महानगरपालिका आयुक्त इक्बाल चहल, मुंबई शहरचे जिल्हाधिकारी राजीव निवतकर हे देखील उपस्थित होते.
कोरोना नियमांचं पालन करून महाराष्ट्र राज्य स्थापनेच्या 61 व्या वर्धापनदिनानिमित्त नाशिक येथील विभागीय आयुक्त कार्यालय येथे आज अन्न, नागरी पुरवठा व ग्राहक संरक्षण मंत्री तथा जिल्ह्याचे पालकमंत्री छगन भुजबळ यांच्या हस्ते शासकीय ध्वजारोहण संपन्न झाले.
उपमुख्यमंत्री अजित पवार यांनी आज महाराष्ट्र दिनानिमित्त पुणे येथील विधानभवन आवारात ध्वजारोहण करून राष्ट्रध्वजाला वंदन केले.
विजय वडेट्टीवार यांनी जिल्हाधिकारी कार्यालय चंद्रपूर येथे आज महाराष्ट्र दिनानिमित्त ध्वजारोहण केलं.