‘तुला शिकवीन चांगलाच धडा’मध्ये अधिपतीच्या आयुष्यात येणार नवं वादळ; अक्षराच्या जुन्या मित्राची एण्ट्री
हा अक्षराचा नवीन मित्र कोण आहे? अधिपतीला कळेल का की तो बाबा बनणार आहे? या सर्व प्रश्नांची उत्तरं मालिकेच्या आगामी भागात मिळणार आहेत. 'तुला शिकवीन चांगलाच धडा' ही मालिका रोज रात्री 10.30 वाजता झी मराठी वाहिनीवर प्रेक्षकांच्या भेटीला येणार आहे.
'तुला शिकवीन चांगलाच धडा' मालिकेत भुवनेश्वरी ही अक्षरा घराबाहेर राहत असल्याचं पुरेपूर फायदा घेत आहे. भुवनेश्वरी अधिपतीसमोर स्वतःची चांगली प्रतिमा बनवून ठेवण्यासाठी अक्षरासोबत बोलायला जाते आणि तिथून आल्यावर ती अक्षराने न बोललेल्या गोष्टी अधिपतीला सांगून भडकावते.
दुसरीकडे अक्षराला आई-बाबा समजावतात की तिने लवकरात लवकर अधिपतीला भेटून गरोदरपणाची बातमी द्यावी. त्यावर अक्षरा ठरवते की संक्रांतीच्या दिवशी स्वत: जाऊन अधिपतीला भेटायचं. ती अधिपतीसाठी छान गिफ्ट तयार करते.
अधिपतीने पण तिच्यासाठी छान साडी आणि हलव्याचे दागिने घेतले आहेत. दुर्गेश्वरी हे सर्व पाहून अधिपतीच्या साडीची पिशवी बदलते. मकरसंक्रांतीच्या निमित्ताने अक्षराला घरी घेऊन जायचं म्हणून अधिपती अक्षराच्या घरी येतो. पण घरात नेमकी इरा आहे.
हीच संधी साधून इरा अक्षराविरुद्ध अधपतीला सगळी चुकीची माहिती देते. दुसरीकडे भुवनेश्वरीही अक्षराला दारातच अडवते. घर सोडलं तसं नातं पण विसरा असं जेव्हा अक्षराला सांगते तेव्हा अक्षरा तिला चांगलाच पलटवार देते.
पलटवार बघून भुवनेश्वरी अक्षरावर हात उचलते. याच आठवड्यात अक्षराच्या जुन्या मित्राचीही एण्ट्री होणार आहे आणि ही व्यक्ती आल्यानंतर अक्षरा-अधिपतीमधला गैरसमज आणखी वाढत जाणार आहे.
