Makarand Anaspure: तुकाराम मुंढेंचा फोन आला, नाना गोव्याला जाण्यापूर्वी… मकरंद अनासपुरे झाले भावूक
Makarand Anaspure: दिग्गज अभिनेते नाना पाटेकर यांचे 8 ऑक्टोबर रोजी निधन झाले. त्यांच्या निधानानंतर जवळचा मित्र अभिनेते मकरंद अनासपुरे भावूक झाले आहेत. त्यांनी नानांसोबत शेवटचे बोलणे काय झाले होते हे सांगितलं आहे.
मराठी आणि हिंदी सिनेसृष्टीमधील दिग्गज अभिनेते नाना पाटेकर यांचे 8 ऑक्टोबर रोजी हृदयविकाराच्या झटक्याने निधन झाले. गोव्यातील घरात त्यांनी वयाच्या 75व्या वर्षी अखेरचा श्वास घेतला. त्यांच्या निधनाने सर्वांनाच धक्का बसला आहे. नाना पाटेकर आणि अभिनेते मकरंद अनासपुरे यांच्यामध्ये घट्ट मैत्री होती. दोघेही 'नाम फाऊंडेशन'शी जोडलेले होते. पडद्यामागे राहून नानांनी एखाद्या सुपरहिरो प्रमाणे काम केले आहे. पण नानांच्या जाण्याने मकरंद अनासपुरे यांना मोठा धक्का बसला आहे. त्यांनी नानांशी शेवटचे जे काही बोलणं झालं त्याविषयी सांगितले आहे.
मकरंद अनासपुरेंनी नानांच्या शेवटच्या इच्छेबद्दल सांगितलं की, "मी पुण्याला प्रवासात होतो. त्यावेळी तुकाराम मुंढे साहेबांचा फोन आला. ते आमचे खूप जवळचे मित्र... त्यांना खूप धक्का बसला होता. ते म्हणाले, दिवाळीनंतर नाना माझी जाहीर मुलाखत घेणार होते नाशिकला... मी म्हटलं, किती छान झालं असतं."
पुढे ते म्हणाले की, "खूप गोष्टी राहिल्या… कारण ते गोव्याला जाण्यापूर्वी आम्हाला सांगून गेले होते की, दुष्काळ यंदा जास्त दिसतोय. आपण सगळ्यांशी चर्चा करून यातून काय मार्ग काढता येईल, ते बघुया… ते अजूनही माझ्या डोक्यात घुटमळतंय..."
नाना पाटेकर हे मकरंद अनासपुरे यांचे गुरुजी, सच्चा दोस्त होते. आता नाना पाटेकर यांच्या निधनानंतर मकरंद अनासपुरे यांनी त्यांच्या आठवणींना उजाळा दिला आहे.
मिळालेल्या माहितीनुसार, नाना पाटेकर हे गोव्यातील डोना पौला येथील त्यांच्या घरी बेशुद्ध अवस्थेत आढळले आणि त्यांना तातडीने रुग्णालयात दाखल करण्यात आले, जिथे डॉक्टरांनी त्यांना मृत घोषित केले.
