मराठमोळ्या अभिनेत्रीचं बिकिनीत प्रेग्नंसी फोटोशूट; स्टार प्रवाहच्या मालिकेत केलंय काम
'मन उधाण वाऱ्याचे' या मालिकेतील अभिनेत्री नेहा गद्रेनं काही दिवसांपूर्वीच चाहत्यांना गुड न्यूज दिली होती. त्यानंतर आता तिने बेबीमूनचे फोटो सोशल मीडियावर पोस्ट केले आहेत. नेहाचे हे फोटो सोशल मीडियावर चर्चेत आहेत.
स्टार प्रवाह वाहिनीवरील 'मन उधाण वाऱ्याचे' या मालिकेत भूमिका साकारलेली अभिनेत्री नेहा गद्रे लवकरच आई होणार आहे. नेहाने तिच्या इन्स्टाग्राम अकाऊंटवर नुकतेच प्रेग्नंसी फोटोशूटचे काही फोटो पोस्ट केले आहेत.
नेहाने अभिनयातून काही काळ ब्रेक घेतला आहे. सध्या ती ऑस्ट्रेलियामध्ये राहत असून तिच्या समुद्रकिनारी तिने खास फोटोशूट केलंय. नेहाचे बिकिनीतील फोटो सध्या सोशल मीडियावर चर्चेत आहेत.
'बेबीमून पिक्चर्स' असं कॅप्शन देत तिने हे फोटो शेअर केले आहेत. बाळंतपणाआधी पतीसोबत घालवलेल्या निवांत वेळेला किंवा ट्रिपला 'बेबीमून' असंही म्हणतात.
नेहाने 2019 मध्ये ईशान बापटशी लग्न केलं. त्यानंतर ती ऑस्ट्रेलियामध्ये स्थायिक झाली. ऑक्टोबर महिन्यात तिने आई होणार असल्याचं जाहीर केलं होतं.
नेहाने सोशल मीडियावर एक व्हिडीओ पोस्ट करत मुलगा होणार की मुलगी याचाही खुलासा केला आहे. बाळाच्या जन्माआधी लिंग चाचणी भारतात बेकायदेशीर आहे, परंतु परदेशात त्याला परवानगी आहे. या व्हिडीओद्वारे नेहाने तिला मुलगा होणार असल्याची गुड न्यूज दिली होती.
