Pooja Sawant Birthday : हॅप्पी बर्थ डे कलरफुल!, वाढदिवसानिमित्त पूजा सावंतचे ‘रंगीन’ फोटो आणि लक्षवेधी माहिती
मराठी चित्रपटसृष्टीतील कलरफुल हिरॉईन म्हणून जिचा उल्लेख केला जातो ती म्हणजे पूजा सावंत. (Pooja Sawant) पूजा मराठीतील टॉप हिरॉईन्समध्ये गणली जाते. तिचा चाहता वर्गही मोठा आहे. आज पूजाचा वाढदिवस आहे.
आपल्या लाडक्या कलरफुलला वाढदिवसाच्या शुभेच्छा देताना तिच्या चाहत्यांनी तिचे वेगवेगळे फोटो शेअर केले आहेत आणि कलरफुलला वाढदिवसाच्या तितक्याच रंगीन शुभेच्छा दिल्या जाताहेत.
2008 मध्ये पूजाने महाराष्ट्र टाइम्सकडून आयोजित करण्यात येणारी श्रावणक्वीन स्पर्धा जिंकली. मग क्षणभर विश्रांती या चित्रपटातून मराठी इंडस्ट्रीत पाऊल टाकलं आणि मग मागे वळून पाहिलं नाही.
झकास, नवरा माझा भवरा, पोस्टर बॉइज, सांगतो ऐका अश्या चित्रपटांमध्ये काम केलं. पण त्यानंतर दगडी चाळ हा चित्रपट आला आणि या चित्रपटाने तिला कलरफुल ही ओळख दिली. इथून सुरू झाला पूजा सावंत या नावाचा सुवर्णकाळ.
तिने वृंदावनमध्ये केलेली पूजा ही भूमिकाही लक्षवेधी ठरली. त्यानंतर भेटली तू पुन्हा, लपाछपी, बस स्टॉप, विजेता, बोनस या सिनेमांमधल्या तिच्या भूमिकाही गाजल्या.
जंगल या हिंदी चित्रपटातही तिने काम केलं. या चित्रपटाच्या चित्रीकरणादरम्यान तिला हत्तींविषयी विशेष प्रेम निर्माण झालं.
काही रिअॅलिटी शोदेखील तिने केले आहे.. जल्लोष सुवर्णयुगाचा, एका पेक्षा एक मधली ती तगडी स्पर्धक होती. वाजले की बारा या शोची ती अँकरदेखील राहिलेली आहे.
पूजाचं करिअर पाहिलं तर ते देखील तितकंच विविधतेनं भरलेलं आहे. म्हणूनच तर चाहते तिला कलरफुल म्हणतात. अश्या या आपल्या लाडक्या कलरफुलवर चाहत्यांनी आज शुभेच्छांचा वर्षाव केला आहे.
