लाखो चाहत्यांची क्रश, 36 व्या वर्षी देखील ही अभिनेत्री जगतेय सिंगल आयु्ष्य, लहापणीचा फोटो पाहून चाहते थक्क
लाखो चाहत्यांची क्रश आहे ही मराठी इंडस्ट्रीतील टॉपची अभिनेत्री. लहानपणीचा साडीमधील फोटो पाहून चाहते देखील झाले फिदा. आजही 36 व्या वर्षी जगतेय सिंगल आयुष्य.
मराठी सिनेसृष्टीतील लोकप्रिय आणि लाडकी अभिनेत्री म्हणून प्राजक्ता माळीची खास ओळख आहे. आपल्या दमदार अभिनयासोबतच सौंदर्य आणि हटके अंदाजामुळे प्राजक्ताने अल्पावधीतच प्रेक्षकांच्या मनात वेगळं स्थान निर्माण केलं आहे.
प्राजक्ताने 2011 साली ‘सुवासिनी’ या मालिकेतून छोट्या पडद्यावर पदार्पण केलं. त्यानंतर ‘जुळून येती रेशीमगाठी’ या मालिकेने तिला घराघरात लोकप्रियता मिळवून दिली. ‘नकटीच्या लग्नाला यायचं हं’ या मालिकेतही तिने आपल्या अभिनयाची छाप पाडली.
मालिकांनंतर प्राजक्ताने रुपेरी पडद्यावरही आपला ठसा उमटवला. ‘पावनखिंड’ आणि ‘लॉकडाऊन लग्न’ यांसारख्या चित्रपटांमधून तिने प्रेक्षकांची दाद मिळवली. ‘रानबाझार’ या वेब सीरिजमधून तिने ओटीटी विश्वातही पदार्पण केलं.
दरम्यान, सोशल मीडियावर प्रचंड सक्रिय असलेली प्राजक्ता आपल्या चाहत्यांसोबत अनेकदा खास आठवणी शेअर करत असते. बालदिनाच्या निमित्ताने तिचे बालपणीचे काही फोटो पुन्हा चर्चेत आले आहेत. या फोटोंमध्ये छोटी प्राजू अतिशय गोंडस दिसत असून तिच्या बालपणीच्या निरागस रूपाने चाहत्यांचं लक्ष वेधून घेतलं आहे.
काही फोटोंमध्ये प्राजक्ता आजीसोबत दिसत आहे, तर एका फोटोत अवघ्या दोन वर्षांची प्राजू टोपी घालून कॅमेऱ्यासमोर पोझ देताना दिसते. विशेष म्हणजे बालपणीही तिचा फॅशन सेन्स पाहायला मिळतो. नऊवारी साडीतील तिचा बालपणीचा फोटोही चाहत्यांच्या पसंतीस उतरला आहे.
