Marathi News Photo gallery Marathi actress vibhavari deshpande birthdqay today she is student of satyajit dube
सत्यजीत दुबेंची विद्यार्थीनी, ‘नाटक जीव की प्राण’, सिनेमांतूनही प्रेक्षकांच्या भेटीला, आज विभावरी देशपांडेचा हॅपी बर्थडे!
मराठी अभिनेत्री विभावरी देशपांडे हिचा आज वाढदिवस आहे. विभावरीने अनेक लक्षात राहणाऱ्या भूमिका केल्या. विशेष म्हणजे ती सत्यजीत दुबेंची विद्यार्थीनी आहे. तिच्या वाढदिवसानिमित्त तिच्याबद्दलच्या काही खास गोष्टी जाणून घेऊयात...
TV9 मराठी डिजीटल टीम | Edited By: आयेशा सय्यद |
Updated on: Feb 02, 2022 | 8:10 AM
Share
मराठी अभिनेत्री विभावरी देशपांडे हिचा आज वाढदिवस आहे. विभावरीने अनेक लक्षात राहणाऱ्या भूमिका केल्या. विशेष म्हणजे ती सत्यजीत दुबेंची विद्यार्थीनी आहे. तिच्या वाढदिवसानिमित्त तिच्याबद्दलच्या काही खास गोष्टी जाणून घेऊयात...
1 / 7
विभावरी देशपांडे ही प्रसिद्ध नाटककार सत्यजीत दुबेंची विद्यार्थिनी आहे. तिने नॅशनल स्कूल ऑफ ड्रामा अर्थात NSDमध्ये होणाऱ्या कार्यशाळांमध्ये सहभाग घेतला. तिथूनच तिला नाटकाची विशेष आवड निर्माण झाली. पुढे तिने जब्बार पटेल दिग्दर्शित एका माहितीपटातही त्यांनी काम केलं.
2 / 7
विभावरीने श्वास या चित्रपटातून अभिनय क्षेत्रात पाऊल टाकलं. पुढे तिनं स्मिता तळवलकर यांच्या 'सात आत घरात' या सिनेमातही काम केलं. तसंच तिने मुंबई मेरी जान, दम काटा या हिंदी चित्रपटातही काम केलं आहे. तुम्हारी सुलू या सिनेमात तिने महिला पोलिसाची भूमिका साकारली आहे.
3 / 7
विभावरी देशपांडेच्या अभिनय क्षेत्रातील योगदानाविषयी बोलताना तिने साकारलेल्या बालगंधर्व यांची पत्नी लक्ष्मीबाईंची भूमिका विशेष उल्लेखनीय आहे.
4 / 7
हरिश्चंद्राची फॅक्ट्री या सिनेमातील दादासाहेब फाळके यांच्या पत्नी सरस्वती यांची भूमिका तर प्रेक्षकांच्या विशेष लक्षात राहिली. या भूमिकेसाठी मिफ्टातर्फे देण्यात येणारा सर्वोत्कृष्ट अभिनेत्रीचा पुरस्कारही तिला मिळाला.
5 / 7
देऊळ बंद, चिंटू चित्रपटातील चिंटूच्या आईची भूमिकाही विशेष उल्लेखनीय आहे. शिवाय गुम्मा बंडा गुम्मा या कन्नड भाषेतील नाटकाचं तिने दिग्दर्शनही केलं आहे.
6 / 7
स्टार प्रवाहवरच्या अग्निहोत्र या प्रसिद्ध मालिकेसाठी तिने संवादलेखनही केले आहे. चकवा चित्रपटातील संवादही विभावरीनेच लिहिलेले आहेत.
