Maruti Car : आज बुक केली तर कधी मिळेल मारूती बलेनो, मारूतीच्या या चार जबरदस्त कारचा असा आहे प्रतीक्षा कालावधी
मारुती सुझुकीच्या नेक्सा डीलरशिपवर विकल्या जाणार्या कारची बंपर मागणी आहे आणि यामध्ये प्रीमियम हॅचबॅक आणि ग्रँड विटारा एसयूव्हीचा समावेश आहे. गेल्या महिन्यात, ही दोन्ही वाहने देशातील सर्वाधिक विक्री होणाऱ्या प्रवासी वाहनांच्या पहिल्या 10 यादीत होती. जर तुम्ही देखील आजकाल मारुती सुझुकी बलेनो, मारुती ग्रँड विटारा, मारुती सियाझ किंवा XL6 पैकी एखादे खरेदी करण्याचा विचार करत असाल, तर आधी जाणून घ्या तुम्हाला डिलिव्हरीसाठी किती वेळ प्रतीक्षा करावी लागेल.
मारुती सुझुकी ग्रँड विटारा- मारुती सुझुकी ग्रँड विटाराच्या डिलिव्हरीसाठी तुम्हाला कदाचित 28 आठवड्यांपर्यंत प्रतीक्षा करावी लागेल, जी भारतीय बाजारपेठेत सर्वाधिक विकल्या जाणार्या मध्यम आकाराच्या SUV पैकी एक आहे. आजकाल ग्रँड विटाराची एक्स-शोरूम किंमत 10.70 लाख ते 19.95 लाख रुपये आहे.
मारुती सुझुकी बलेनो- मारुती सुझुकीच्या टॉप-सेलिंग प्रीमियम हॅचबॅक बलेनोच्या CNG व्हेरिएंटच्या डिलिव्हरीसाठी एक महिन्यापर्यंत प्रतीक्षा करावी लागू शकते. मारुती बलेनोची भारतातील किंमत रु.6.61 लाख ते रु.9.88 लाख, एक्स-शोरूम आहे.
मारुती सुझुकी सियाझ- मारुती सुझुकीच्या मिडसाईज सेडान सियाझच्या डिलिव्हरीसाठी ग्राहकांना 4 आठवड्यांपर्यंत प्रतीक्षा करावी लागू शकते. Ciaz ची एक्स-शोरूम किंमत 9.30 लाख रुपयांपासून सुरू होते आणि 12.29 लाख रुपयांपर्यंत जाते.
मारुती सुझुकी XL6- मारुती सुझुकीच्या लोकप्रिय 6 सीटर SUV XL6 च्या डिलिव्हरीसाठी ग्राहकांना 14 आठवड्यांपर्यंत प्रतीक्षा करावी लागू शकते. XL6 ची एक्स-शोरूम किंमत 11.56 लाख ते 14.82 लाख रुपये आहे.
