Weather Alert : महाराष्ट्राला झोडपून जाणार, राज्यात धो धो पावसाचा इशारा, मोठा अलर्ट..
Weather Alert : राज्यात पावसाने पाठ फिरवली. त्यातच आता भारतीय हवामान विभागाने मोठा इशारा दिला. जाता जाता पाऊस धुमाकूळ घालून जाणार आहे. मुसळधार पावसाचा इशारा देण्यात आला.
राज्यात यंदा समाधानकारक पाऊस झाला नाही. ऑगस्ट महिना पूर्ण कोरडा गेला. आता परतीचा पाऊस राज्यात धो धो कोसळणार आहे. राज्य सरकारने नुकताच दुष्काळ जाहीर केला. त्यातच भारतीय हवामान विभागाने पावसाचा मोठा इशारा दिला.
मुंबई, पालघर, ठाणे, रायगड, रत्नागिरी, धुळे, नंदुरबार, जळगाव, नाशिक, अहिल्यानगर, पुणे, सांगली आणि सोलापूर या 13 जिल्ह्यांमध्ये हलका ते मध्यम स्वरूपाचा पाऊस पडण्याचा अंदाज वर्तवण्यात आला आहे.
सिंधुदुर्ग, कोल्हापूर आणि सातारा या 3 जिल्ह्यांसाठी हवामान विभागाने येलो अलर्ट जारी केल्याची माहिती देण्यात आली आहे. राज्यात परतीचा पाऊस सुरू आहे.
ताशी 30 ते 40 किलोमीटर वेगाने वारे वाहण्याची शक्यता असून विजांच्या कडकडाटासह पाऊस पडण्याचा अंदाज आहे. अशावेळी नागरिकांनी घराबाहेर पडणे टाळावे.
मराठवाड्यातील काही भागातही पाऊस होण्याचा अंदाज आहे. मराठवाड्यासह विदर्भात स्थिती गंभीर आहे. शेती पिके हातून गेली आहेत. पिण्याचा पाण्याचा गंभीर प्रश्न आहे.
