Marathi News Photo gallery Multibagger Stock Ranbir Kapoor upcoming Film Ramayana makers prime focus return three times high in one year
Multibagger Stock: ‘रामायणा’मुळे गुंतवणूकदार मालामाल! एकाच वर्षात तीनपट नफा, कमाईच कमाई
Multibagger Stock: ही कंपनी गेल्या काही दिवसांपासून चर्चेत आहे. प्रसिद्ध नट रणबीर कपूर (Ranbir Kapoor) याचा आगामी चित्रपट रामायण (Ramayana)च्या व्हिझ्युएल इफेक्ट्स (VFX) ही कंपनी काम करत आहे.
Prime Focus Share ने कमाल केली आहे. बाजारात चढउताराचे सत्र असतानाही या शेअरने कमाल दाखवली आहे. ही पोस्ट प्रोडक्शन आणि VFX सेक्टरमधील दिग्गज कंपनी आहे. रामायण चित्रपटातील व्हिज्युएल इफेक्ट्सवर ही कंपनी काम करत आहे.
1 / 6
गेल्या वर्षी 7 जुलै रोजी या चित्रपटाचे पहिले टिझर रिलीज झाले. त्यावेळी हा शेअर जवळपास 160 रुपयांच्या घरात होता. तर आता 2 एप्रिल रोजी या चित्रपटाचा दुसरा टीझर रिलीज झाला आहे. या स्टॉकची किंमत आता 330 रुपयांवर पोहचला आहे. म्हणजे अवघ्या काही दिवसात हा शेअर 106 टक्क्यांनी तेजीत आला आहे.
2 / 6
जगावर सध्या युद्धाचे वादळ घोंगावत आहेत. रशिया-युक्रेन, आखाती युद्धाने महागाई गगनाला भिडलेली आहे. या भू राजकीय घडामोडींचा परिणाम चित्रपट निर्मितीवरही होत आहे. प्रेक्षक थिएटरपर्यंत आणणे कठीण होत आहे. तरीही या शेअरने कमाल केली आहे.
3 / 6
प्राईम फोकस कंपनीच्या शेअरमध्ये तेजीचे सत्र दिसून आले आहे. हा शेअर 52 आठवड्यातील उच्चांकीवर 350.9 रुपयांच्या जवळपास पोहचला आहे. शेअर सध्या या किंमतीच्या जवळपास ट्रेड करत आहे. एका वर्षात या कंपनीने जवळपास 262 टक्क्यांचा मल्टिबॅगर रिटर्न दिला आहे. कंपनीचे सध्याचे मार्केट कॅप 27012 कोटी रुपये आहे.
4 / 6
रणबीर कपूरच्या रामायण या चित्रपटाविषयी गुंतवणूकदारांमध्ये, प्रेक्षकांमध्ये मोठी उत्सुकता आहे. रणबीर कपूर या चित्रपटात प्रभू श्रीरामचंद्राच्या भूमिकेत दिसेल. प्राईम फोकस सुद्धा या चित्रपटाचा भाग आहे. त्यामुळे या शेअरकडे सर्वांचे लक्ष लागले आहे.
5 / 6
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
